ВАШЫНГТОН. Прадстаўнікі Белага Дому заяўляюць, што ўпэўненыя ў тым што ва ўчорашніх выбарах перамог цяперашні прэзыдэнт Джордж Буш.
Да часу, пакуль не высьветленая сытуацыя ў Агайо, ніводзін кандыдатаў – ні Буш ні Кэры – ня могуць прыпісаць 20 галасоў сябраў калегіі выбаршчыкаў з гэтага штату на свой рахунак, што зрабіла б кожнага зь іх пераможцам.
Цяпер Джордж Буш мае 254 галасы сябраў калегіі выбаршчыкаў а Джон Кэры – 252.
Кіраўнік справаў Белага Дому Эндру Кард заявіў, што перамога Буша ў Агайо відавочная:
(Кард) “У Агайа прэзыдэнт Буш перамагае з адрывам у амаль 140 тысячаў галасоў. Мы атрымалі з гэтага штату інфармацыю, што мы апярэдзіць Джорджа Буша ўжо статыстычна немагчыма, нягледзячы нават калі ўлічыць бюлетэні выбаршчыкаў, чыя рэгістрацыя пакуль не пацьверджаная”.
У Агайо ёсьць 175 тысячаў бюлетэняў ад выбаршчыкаў, чыя рэгістрацыя ў выбарчых акругах гэтага штату пакуль не пацьверджаная.
Між тым кандыдат на пасаду віцэ-прэзыдэнта ў камандзе Джона Кэры - Джон Эдўардз заявіў, што Дэмакраты не прызнаюць сваёй паразы пакуль ня скончыцца падлік галасоў у штаце Агайо.
(Эдўардз) “Мы з Джонам Кэры паабяцалі амэрыканскаму народу, што ў часе гэтых выбараў улічаны будзе кожны голас”
Пасьля падліку 99% бюлетэняў, Буш атрымаў 51% галасоў, а Кэры – 49%.
Рэспубліканцы захавалі кантроль у Сэнаце і ў Палаце Прадстаўнікоў амэрыканскага Кангрэсу.