У квітках на аплату камунальных паслугаў жыхароў Хойнікаў зьявіўся дадатковы радок — “Інфраструктура”. Рашэньне на гэты конт з падачы выканкаму прыняла сэсія райсавету. Цягам году кожны гаспадар камунальнай кватэры ці прыватнага дому забавязаны заплаціць на інфраструктуру 9 тысяч рублёў. Сабраныя грошы ідуць прадпрыемству “Камунальнік” на асьвятленьне гарадзкіх вуліцаў, набыцьцё электралямпачак, ліхтароў ды іншага.
Распавядае загадчыца камунальнага аддзелу райвыканкаму Тацяна Протчанка:
(Протчанка: ) “У нас горад стаў больш сьветлым. Я лічу, што гэта добрая справа для народу”.
Народ тым часам без асаблівага энтузіязму ўспрыняў падобны клопат, асабліва маламаёмныя гараджане. Гаворыць пэнсіянэр з вуліцы Карла Маркса Аркадзь Золатаў:
(Золатаў: ) “Навошта зь людзей браць? Я не хачу плаціць!”
Адзінокая пэнсіянэрка Маіна Карась з вуліцы Калесьніка распавяла:
(Карась: ) “Людзі ня плацяць — выкрэсьліваюць. Усе абураліся, у камунгас хадзілі. Выкрэсьлілі, не плацілі. Прыйшла новая паперка, зноў уключылі тую ж суму. А я неплатаздольная”.
У наступным годзе, паводле інфармацыі камунальнага аддзелу, улады мяркуюць зьбіраць грошы ў жыхароў на ўпарадкаваньне вуліцаў.
Распавядае загадчыца камунальнага аддзелу райвыканкаму Тацяна Протчанка:
(Протчанка: ) “У нас горад стаў больш сьветлым. Я лічу, што гэта добрая справа для народу”.
Народ тым часам без асаблівага энтузіязму ўспрыняў падобны клопат, асабліва маламаёмныя гараджане. Гаворыць пэнсіянэр з вуліцы Карла Маркса Аркадзь Золатаў:
(Золатаў: ) “Навошта зь людзей браць? Я не хачу плаціць!”
Адзінокая пэнсіянэрка Маіна Карась з вуліцы Калесьніка распавяла:
(Карась: ) “Людзі ня плацяць — выкрэсьліваюць. Усе абураліся, у камунгас хадзілі. Выкрэсьлілі, не плацілі. Прыйшла новая паперка, зноў уключылі тую ж суму. А я неплатаздольная”.
У наступным годзе, паводле інфармацыі камунальнага аддзелу, улады мяркуюць зьбіраць грошы ў жыхароў на ўпарадкаваньне вуліцаў.