КІЕЎ. Цэнтральная выбарчая камісія Украіны апрацавала ўжо амаль 98% бюлетэняў з прэзыдэнцкіх выбараў, што адбыліся ў нядзелю.
Паводле дадзеных ЦВК перамагае цяперашні прэм’ер Віктар Януковіч, але разрыў паміж ім і кандыдатам ад апазыцыі Віктарам Юшчанкам мінімальны. Абодва набралі трохі менш за 40% галасоў.
Між тым у Кіеве адбываецца мітынг апазыцыйных моладзевых арганізацыяў, удзельнікі якога патрабуюць неадкладна абвесьціць канчатковыя вынікі выбараў і ўнесьці папраўкі ў сьпісы выбаршчыкаў да другога туру выбараў, што адбудзецца 21 лістапада.