БАГДАД. Восем марскіх пехацінцаў з войска ЗША загінулі, а 9 былі параненыя ў часе баёў з паўстанцамі ў раёне гарадоў Фалюджа і Рамадзі.
У Багдадзе ў выніку моцнага выбуху параеныя прынамсі 16 чалавек.
Між тым у Кувэйце японскія экспэрты агледзелі цела замежніка, якое было знойдзенае ў Іраку ўчора. Яны лічаць малаверагодным, што гэта цела японскага закладніка Сасэй Кода, якога экстрэмісты пагражалі забіць, калі Японія не адкліча сваё войска з Іраку.