ГАЗА. Ваяўнікі палестынскай групоўкі “Хамас” абстралялі зь мінамётаў габрэйскае паселішча на поўдні паласы Газа. Ніхто не пацярпеў.
Напярэдадні ў выніку ізраільскага авіяўдару быў забіты адзін зь лідэраў групоўкі “Хамас” Аднан аль-Гоўль.
Ваяўнікі групоўкі паабяцалі адпомсьціць за ягоную сьмерць.
Прадстаўнік “Хамасу” Мушэр аль-Масры заявіў:
(аль-Масры) “Гэта новае злачынства супраць палестынскага народу і супраціву. І мы яшчэ раз паўтараем, што гэтае злачынства не застанецца без пакараньня. Мы дамо моцны адказ, калі на гэта будзе воля Алаха”.