АШГАБАД. Генэральны сакратар НАТА Яп дэ Хоп Схэфэр, які знаходзіцца ў падарожжы па краінах Цэнтральнай Азіі, сустрэўся сёньня ў туркмэнскай сталіцы з прэзыдэнтам гэтай краіны Сапармуратам Ніязавым.
Ніязаў сказаў, што ягоная краіна гатовая супрацоўнічаць з НАТА, але падкрэсьліў, што ў глябальных сусьветных пытаньнях Туркмэністан застанецца нэўтральным.
Яп дэ Хоп Схэфэр, у сваю чаргу, заявіў, што абмеркаваў зь Ніязавым магчымасьць выкарыстаньня сіламі НАТА паветраных і наземных транспартных калідораў праз Туркмэністан.