Падчас акцыі 19 кастрычніка найбольш пацярпела здымачная група расейскай кампаніі НТВ. У апэратара Канстанціна Марозава міліцыянты разьбілі камэру, а пераганяць падрыхтаваны сюжэт давялося праз калегаў са Смаленску — тэлекампанія “Мір”, магутнасьцямі якой звычайна карыстаюцца расейскія тэлевізійнікі, даць студыю нечакана адмовіліся. У карэспандэнцкім пункце НТВ ў Менску лічаць, што падобны загад быў ініцыяваны з вышэйшых інстанцыяў.
(Супрацоўнік карпункту НТВ: ) “Нам “перагон” забаранілі, і цяпер чакаем — адчыняць ці не. Але ў гэтым сэнсе ад кампаніі “Мір” таксама мала што залежыць. Тым ня меней, сюжэты зь Беларусі ідуць, “перагоны” ажыцьцяўляюцца са Смаленску, Вільні. Проста на гэта ідзе болей нэрваў, часу, дарогі і г.д. Але добра, што ёсьць яшчэ Літва, Латвія, Расея, Польшча”.
У тэлерадыёкампаніі “Мір” сытуацыю называюць “непрыемнай накладкай” і кажуць, што найбліжэйшым часам тэлевізійнікі зноў змогуць карыстацца паслугамі студыі. Гаворыць Міхаіл Грыбаў:
(Грыбаў: ) “Атрымалася “накладка”. У нас стаіць на антэне ўзмацняльнік, празь якія ідуць два каналы, — Беларускае тэлебачаньне і адзін наш канал. Гэтае прыстасаваньне выйшла са строю. БТ адключыць, каб штосьці наладзіць, мы ня можам, гэта ня ў нашай уладзе. Калі б у нас не было БТ, ці БТ на некаторы час мы маглі з эфіру зьняць, то маглі б адрамантаваць тэрмінова — няма пытаньняў”.
Спадар Грыбаў дадаў, што адключэньне Першага каналу патрабуе шмат узгадненьняў на вышэйшым узроўні, таму рамонтныя працы, хутчэй за ўсё, пачнуцца ўначы, калі канал не працуе.
(Супрацоўнік карпункту НТВ: ) “Нам “перагон” забаранілі, і цяпер чакаем — адчыняць ці не. Але ў гэтым сэнсе ад кампаніі “Мір” таксама мала што залежыць. Тым ня меней, сюжэты зь Беларусі ідуць, “перагоны” ажыцьцяўляюцца са Смаленску, Вільні. Проста на гэта ідзе болей нэрваў, часу, дарогі і г.д. Але добра, што ёсьць яшчэ Літва, Латвія, Расея, Польшча”.
У тэлерадыёкампаніі “Мір” сытуацыю называюць “непрыемнай накладкай” і кажуць, што найбліжэйшым часам тэлевізійнікі зноў змогуць карыстацца паслугамі студыі. Гаворыць Міхаіл Грыбаў:
(Грыбаў: ) “Атрымалася “накладка”. У нас стаіць на антэне ўзмацняльнік, празь якія ідуць два каналы, — Беларускае тэлебачаньне і адзін наш канал. Гэтае прыстасаваньне выйшла са строю. БТ адключыць, каб штосьці наладзіць, мы ня можам, гэта ня ў нашай уладзе. Калі б у нас не было БТ, ці БТ на некаторы час мы маглі з эфіру зьняць, то маглі б адрамантаваць тэрмінова — няма пытаньняў”.
Спадар Грыбаў дадаў, што адключэньне Першага каналу патрабуе шмат узгадненьняў на вышэйшым узроўні, таму рамонтныя працы, хутчэй за ўсё, пачнуцца ўначы, калі канал не працуе.