Лінкі ўнівэрсальнага доступу

Прадстаўнік Эўразьвязу ў справах замежнай палітыкі й бясьпекі Хаўер Саляна заявіў, што сур’ёзна заклапочаны выбарамі й рэфэрэндумам


Юры Сьвірко, Менск Прадстаўнік Эўрапейскага Зьвязу ў справах агульнай замежнай палітыкі й бясьпекі Хаўер Саляна выказаў “вялікую занепакоенасьць тым спосабам, як праводзіліся гэтыя парлямэнцкія выбары й сам рэфэрэндум”. Ён нагадаў пра шэраг сур’ёзных недахопаў, якія заўважылі міжнародныя назіральнікі ды іншыя асобы.

“Ясна, што гэтыя выбары не былі свабоднымі й справядлівымі – такую выснову зрабіла місія назіраньня за выбарамі АБСЭ”, – заявіў Хаўер Саляна.

“Што да рэфэрэндуму, мы ўжо выказалі сваю заклапочанасьць тым фактам, што ён адбыўся ў нездавальняючых умовах”, – зазначыў высокі прадстаўнік Эўразьвязу й дадаў: “Мы таксама адзначылі заканадаўчыя ды іншыя неадпаведнасьці што да рэфэрэндуму, пра што заявілі, сярод іншых, экспэрты Рады Эўропы (Вэнэцыянская камісія)”.

Таксама спадар Саляна заявіў, што “хаця й зразумела, што гэтыя выбары й рэфэрэндум не адпавядалі нашым чаканьням, мы ўсьцешаныя тым фактам, што многія беларусы ўцягнуліся ў дэмакратычны працэс і прадэманстравалі сваю наважанасьць да стварэньня плюралістычнага грамадзтва ў Беларусі нягледзячы на цяжкі ўмовы”.

“Высокая яўка выбарцаў ёсьць сьведчаньнем гэтага”, – мяркуе Хаўер Саляна.
XS
SM
MD
LG