Аднак зноў падкрэсьлю, што гэта неафіцыйныя дадзеныя. Толькі ў адной акрузе Бабруйскай Першамайскай яшчэ не зразумела, ці будзе другі тур з удзелам вылучэнкі АГП Ганны Гатавец.
У Шклоўскай выбарчай акрузе напэўна перамог Уладзімір Канаплёў. Ягоны асноўны сапернік кандыдат ад БНФ Рыгор Кастусёў распавёў, што ў некалькі акругах вынікі галасаваньня наступныя: 1 голас яму, па 1 голасу яшчэ двум кандыдатам і ўсё астатняе – у падтрымку Канаплёва. Вось камэнтар Кастусёва:
(Кастусёў: ) “Камэнтар такі, што фальсыфікацыя “чыстай вады”. У мінулыя выбары на ўчастку ў шпіталі ў абласны савет было недзе 50 на 50, хоць таксама ўсё рабілі. А гэтым разам ужо вырашылі аддаць усе галасы Канаплёву. Ужо ні ў якія рамкі ня лезе”.
У Клічаўскай акрузе лідыруе Вадзім Папоў. Яго суперніца, вылучэнка Народнай грамады Людміла Гушча, атрымае, паводле самых папярэдніх дадзеных, каля 20 адсоткаў – і яна сама лічыць гэта перамогай. Паводле яе, улады рабілі выгляд, што ёсьць толькі адзін кандыдат, а пра Людмілу Гушчу ў раёнцы напісалі адзін радок пра рэгістрацыю ў якасьці кандыдата, і больш ні слова.
Незалежны кандыдат Алесь Чыгір у Бабруйскай сельскай акрузе нават перамог на некалькіх участках, аднак лідэрам стаў памочнік прэзыдэнта, які, падлічыла каманда Чыгіра, выйграў папярэдняе галасаваньне.
У Бабруйскай Ленінскай акрузе было 5 кандыдатаў, аднак першай стала кандыдатка ад улады, на другім месцы – Міхаіл Кавалькоў, вылучэнец БСДГ. Як і ўсе дэмакратычныя кандыдаты, Кавалькоў сумняваецца ў выніках выбараў.
(Кавалькоў: ) “Тое, што ўкіды былі, так мы і ацэньваем, І вялікія ўкіды. Да таго, што ў 20 пачынаецца падлік галасоў, а ў 20.45 тэлефануе назіральнік, што няма пераноснай скрыні, яна ў дырэктара, і што зь ёй там робяць, невядома”.
Самы вялікі скандал у Магілёўскай вобласьці здарыўся ў Быхаве ўвечары 16 кастрычніка, калі міліцыя затрымала замежнікаў – маладых людзей зь Літвы, Латвіі і Даніі, якія праводзілі апытаньне выбаршчыкаў пасьля галасаваньня. У выніку аднаго літоўца дэпартавалі.
А вось 17 кастрычніка ў Быхаўскай акрузе было ўсё спакойна і прыстойна. Уладзімір Шанцаў, кіраўнік выбарчага штабу кандыдата ад АГП Кірыла Шарапкіна, сказаў, што назіральнікам не было чаго рабіць з адной прычыны – у Быхаўскай акрузе датэрмінова прагаласавала больш за палову выбаршчыкаў. Не было нават попыту на харчы са зьніжкамі, якія прапаноўвалі буфэты на выбарчых участках.
Складаная сытуацыя з назіраньнем была ў Горацкай выбарчай акрузе. Там у дзень выбараў участковыя камісіі скасавалі рэгістрацыю амаль усіх назіральнікаў, якіх вылучылі выбаршчыкі ў падтрымку незалежнага кандыдата Андрэя Юркова. Кіраўнік яго штабу Эдуард Брокараў лічыць, што ўлады імкнуліся да таго, каб істотна скараціць незалежнае назіраньне, і таму не акцэнтавалі ўвагу на новай інструкцыі, якая прадпісвае, што назіральнік павінен жыць на тэрыторыі выбарчага ўчастку. Затое ўзгадалі пра гэта ў дзень выбараў і папрасілі назіральнікаў сысьці.
А з Бабруйскай Ленінскай акругі актывіст штабу кандыдата Міхаіла Кавалькова Сяргей Адамовіч паведаміў, што ўчора пры канцы дня на выбарчыя ўчасткі перасталі пушчаць нават давераных асобаў дэмакратычных кандыдатаў. Яго асабіста выправадзілі з дапамогай міліцыі. Затое на адным з участкаў разам з выбарчым працэсам праводзіўся абмен валюты, продаж аўдыя- й відэакасэтаў, працаваў платны ксэракс і прадавалася касмэтыка. Сяргей Адамовіч падазрае, што на выбарчых участках укідваліся дадатковыя бюлетэні. Вось адзін з яго аргумэнтаў:
(Адамовіч: ) “Парушэньняў вельмі шмат. Вось вайсковая частка добраахвотна-прымусова прагаласавала датэрмінова, хаця не было ніякай вайны, не было манэўраў. І 100% датэрміновае галасаваньне, і за кандыдата ад улады амаль 100% прагаласавала салдатаў. Таму тут відавочна нейкія фальсыфікацыі”.
Самыя распаўсюджаныя скаргі – на тое, што назіральнікі ня бачылі кабінаў і скрыняў для галасаваньня, што камісія запячатала скрыню без удзелу назіральнікаў і давераных асобаў, што давалі некалькі бюлетэняў у адны рукі, што знаходзілі ў сьпісах “мёртвыя душы”, а ў Бабруйскай сельскай акрузе быў выпадак, калі чалавек прыйшоў на ўчастак і даведаўся, што за яго ўжо прагаласавалі. Такія парушэньні фіксавалі назіральнікі.
У Шклоўскай выбарчай акрузе напэўна перамог Уладзімір Канаплёў. Ягоны асноўны сапернік кандыдат ад БНФ Рыгор Кастусёў распавёў, што ў некалькі акругах вынікі галасаваньня наступныя: 1 голас яму, па 1 голасу яшчэ двум кандыдатам і ўсё астатняе – у падтрымку Канаплёва. Вось камэнтар Кастусёва:
(Кастусёў: ) “Камэнтар такі, што фальсыфікацыя “чыстай вады”. У мінулыя выбары на ўчастку ў шпіталі ў абласны савет было недзе 50 на 50, хоць таксама ўсё рабілі. А гэтым разам ужо вырашылі аддаць усе галасы Канаплёву. Ужо ні ў якія рамкі ня лезе”.
У Клічаўскай акрузе лідыруе Вадзім Папоў. Яго суперніца, вылучэнка Народнай грамады Людміла Гушча, атрымае, паводле самых папярэдніх дадзеных, каля 20 адсоткаў – і яна сама лічыць гэта перамогай. Паводле яе, улады рабілі выгляд, што ёсьць толькі адзін кандыдат, а пра Людмілу Гушчу ў раёнцы напісалі адзін радок пра рэгістрацыю ў якасьці кандыдата, і больш ні слова.
Незалежны кандыдат Алесь Чыгір у Бабруйскай сельскай акрузе нават перамог на некалькіх участках, аднак лідэрам стаў памочнік прэзыдэнта, які, падлічыла каманда Чыгіра, выйграў папярэдняе галасаваньне.
У Бабруйскай Ленінскай акрузе было 5 кандыдатаў, аднак першай стала кандыдатка ад улады, на другім месцы – Міхаіл Кавалькоў, вылучэнец БСДГ. Як і ўсе дэмакратычныя кандыдаты, Кавалькоў сумняваецца ў выніках выбараў.
(Кавалькоў: ) “Тое, што ўкіды былі, так мы і ацэньваем, І вялікія ўкіды. Да таго, што ў 20 пачынаецца падлік галасоў, а ў 20.45 тэлефануе назіральнік, што няма пераноснай скрыні, яна ў дырэктара, і што зь ёй там робяць, невядома”.
Самы вялікі скандал у Магілёўскай вобласьці здарыўся ў Быхаве ўвечары 16 кастрычніка, калі міліцыя затрымала замежнікаў – маладых людзей зь Літвы, Латвіі і Даніі, якія праводзілі апытаньне выбаршчыкаў пасьля галасаваньня. У выніку аднаго літоўца дэпартавалі.
А вось 17 кастрычніка ў Быхаўскай акрузе было ўсё спакойна і прыстойна. Уладзімір Шанцаў, кіраўнік выбарчага штабу кандыдата ад АГП Кірыла Шарапкіна, сказаў, што назіральнікам не было чаго рабіць з адной прычыны – у Быхаўскай акрузе датэрмінова прагаласавала больш за палову выбаршчыкаў. Не было нават попыту на харчы са зьніжкамі, якія прапаноўвалі буфэты на выбарчых участках.
Складаная сытуацыя з назіраньнем была ў Горацкай выбарчай акрузе. Там у дзень выбараў участковыя камісіі скасавалі рэгістрацыю амаль усіх назіральнікаў, якіх вылучылі выбаршчыкі ў падтрымку незалежнага кандыдата Андрэя Юркова. Кіраўнік яго штабу Эдуард Брокараў лічыць, што ўлады імкнуліся да таго, каб істотна скараціць незалежнае назіраньне, і таму не акцэнтавалі ўвагу на новай інструкцыі, якая прадпісвае, што назіральнік павінен жыць на тэрыторыі выбарчага ўчастку. Затое ўзгадалі пра гэта ў дзень выбараў і папрасілі назіральнікаў сысьці.
А з Бабруйскай Ленінскай акругі актывіст штабу кандыдата Міхаіла Кавалькова Сяргей Адамовіч паведаміў, што ўчора пры канцы дня на выбарчыя ўчасткі перасталі пушчаць нават давераных асобаў дэмакратычных кандыдатаў. Яго асабіста выправадзілі з дапамогай міліцыі. Затое на адным з участкаў разам з выбарчым працэсам праводзіўся абмен валюты, продаж аўдыя- й відэакасэтаў, працаваў платны ксэракс і прадавалася касмэтыка. Сяргей Адамовіч падазрае, што на выбарчых участках укідваліся дадатковыя бюлетэні. Вось адзін з яго аргумэнтаў:
(Адамовіч: ) “Парушэньняў вельмі шмат. Вось вайсковая частка добраахвотна-прымусова прагаласавала датэрмінова, хаця не было ніякай вайны, не было манэўраў. І 100% датэрміновае галасаваньне, і за кандыдата ад улады амаль 100% прагаласавала салдатаў. Таму тут відавочна нейкія фальсыфікацыі”.
Самыя распаўсюджаныя скаргі – на тое, што назіральнікі ня бачылі кабінаў і скрыняў для галасаваньня, што камісія запячатала скрыню без удзелу назіральнікаў і давераных асобаў, што давалі некалькі бюлетэняў у адны рукі, што знаходзілі ў сьпісах “мёртвыя душы”, а ў Бабруйскай сельскай акрузе быў выпадак, калі чалавек прыйшоў на ўчастак і даведаўся, што за яго ўжо прагаласавалі. Такія парушэньні фіксавалі назіральнікі.
