БУХАРЭСТ. У часе сустрэчы міністраў абароны НАТА ў Румыніі, нямецкі міністар Пэтэр Штрук заявіў, што войскі альянсу, якія знаходзяцца ў Аўганістане павінны займацца забесьпячэньнем стабілізацыі ў гэтай краіне, а не змагацца з міжнародным тэрарызмам.
Такім чынам міністар абароны Нямеччыны адказаў на прапанову ЗША да НАТА ўзяць на сябе правядзеньне вайсковых апэрацыяў у Аўганістане.
Цяпер ў Аўганістане разьмешчаныя 18 тысячаў амэрыканскіх жаўнераў і на палову меншы НАТАўскі кантынгент.