Лінкі ўнівэрсальнага доступу

У грамадзкім транспарце Менску агітуюць за датэрміновае галасаваньне


Галіна Абакунчык, Менск Ад панядзелка на галоўных лініях гарадзкога транспарту Менску гучаць абвесткі пра рэфэрэндум і выбары ў Палату прадстаўнікоў. Акрамя таго пасажыраў запрашаюць прыняць удзел у датэрміновым галасаваньні. Як да гэтага ставяцца менчукі й госьці сталіцы высьвятляла Галіна Абакунчык.

(Аўдыё: Шум электравіка й абвестка-запрашэньне прыняць удзел у датэрміновым галасаваньні.) Прыкладна гэткая ж абвестка гучыць у аўтобусным маршруце № 100, які рухаецца па галоўнай магістралі Менску, праспэкту Скарыны. У сталічным мэтрапалітэне пракамэнтаваць новаўвядзеньне адмовіліся. На пытаньне – чыя гэта была ініцыятыва – адзін з кіраўнікоў Управы транспарту Менгарвыканкаму адказаў наступнае.

(Чыноўнік: ) “Не магу дакладна сказаць, але калі б гэта была ініцыятыва зьверху, то прымусілі бы на ўсіх маршрутах абвяшчаць. А калі толькі ў мэтро й на 100-м маршруце, то, відаць, гэта нашая ініцыятыва”.

Я пацікавілася ў пасажыраў што яны думаюць пра запрашэньні наведаць выбарчыя ўчасткі датэрмінова й вось якімі былі адказы.

(Спадар:) “Я ўвогуле лічу, што ня ўсё так аб’ектыўна, як хацелася бы”.

(Спадары: ) “Я пайду галасаваць тады, калі трэба, 17 чысла”.

(Спадарыня: ) “Датэрміновае галасаваньне? Трэба рабіць так – значыць будзем рабіць так”.

(Спадар: ) “Што я пра гэта думаю? Гэта проста абуральна, гэта прававое бязьмежжа. Улады проста ведаюць, што сумленна яны не перамогуць”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG