КАБУЛ. У Афганістане зачыніліся выбарчыя пункты пасьля першых у гісторыі краіны наўпроставых прэзыдэнцкіх выбараў. Усе 15 супернікаў цяперашняга прэзыдэнта краіны Хаміда Карзая заявілі, што не прызнаюць вынікаў галасаваньня, -- усе кандыдаты скардзяцца на грубыя парушэньні працэдуры галасаваньня на карысьць ня толькі Карзая, але і адзін на аднога.
Галоўная выбарчая камісія адмовілася спыніць галасаваньне, але абяцала разгледзіць усе скаргі.
Першыя вынікі чакаюцца не раней чым праз два дні.