Што да лічбаў, якія называе Аляксандар Лукашэнка, то яны мяняюцца хутчэй за восеньскае надвор’е. Пару тыдняў таму на сустрэчы зь берасьцейскімі студэнтамі беларускі лідэр абяцаў ў 2010 годзе заробкі ў 750 даляраў – ажно на 250 больш, чым пазаўчора жыхарам Глыбокага. Ды што там празь пяцігодку! Літаральна празь месяц, у лістападзе працуючы беларус атрымае ўжо 195 умоўных адзінак замест 165 у кастрычніку. Ці рэальны такі імклівы рост, я папрасіла пракамэнтаваць эканаміста, экс-міністра працы Аляксандра Саснова.
(Сасноў: ) “Можна называць любыя лічбы, і можна выканаць усё, што называеш. Пакуль наш галоўны гандлёвы партнэр, Расея, мае вельмі добры кан’юнктурны рост, паколькі кошт энерганосьбітаў зараз добры, і на карысьць Расеі – перападае і Беларусі. Лукашэнка таму так сьмела і заяўляе, гэта першае. А па-другое, ён так сьмела кажа толькі тады, калі рэфэрэндум на носе, як кажуць. Што будзе рабіць пасьля рэфэрэндуму – час пакажа. Думаю, што значную частку з таго, што ён абяцае, ён ня выканае”.
На думку Аляксандра Саснова, калі называюцца такія розныя лічбы, гэта сьведчаньне таго, што Лукашэнка бярэ іх не з сур’ёзных эканамічных разьлікаў, а з галавы ці “са столі”…
А які сярэдні заробак у 2010-м годзе прагназуе Міністэрства эканомікі? Як паведамілі ў прэсавай службе Міністэрства эканомікі Беларусі, такіх доўгатэрміновых прагнозаў яшчэ няма. Магчыма, у наступным годзе будзе прагназавацца праграма сацыяльна-эканамічнага разьвіцьця на 2006-2010 гады. А вось што да 2005 году, то сярэдні заробак заплянаваны на ўзроўні 208,5 даляраў, у дзяржслужачых – 225 даляраў. Так што і тут Лукашэнка, мякка кажучы, перагнуў.
Экс-старшыня Нацыянальнага банку, прафэсар Станіслаў Багданкевіч так пракамэнтараваў абяцаны рост заробкаў:
(Багданкевіч: ) “Ён дрэнна вывучаў марксізм-ленінізм. Кожны, хто старанна гэтым займаўся, ведае, што ў нармальнай дзяржаве зарплата павінна крыху адставаць ад росту прадукцыйнасьці працы. Толькі тады эканоміка будзе разьвівацца ўстойліва, без крызысаў”.
На думку Станіслава Багданкевіча, калі б на пачатку 90-х краіна абрала дэмакратыю і рынак, то сярэдняя заработная плата ў Беларусі была б ужо, як у Польшчы – 600 даляраў, а паколькі ў беларускай эканоміцы галоўны рухавік – адміністратыўнае кіраваньне й бізун, таму мы й маем сярэдні заробак у 165 даляраў. Дый калі заробкі будуць так імкліва расьці, гэта ня значыць, што народ стане багацейшы, і дабрабыт вырасьце, лічыць прафэсар Багданкевіч.
(Багданкевіч: ) “Насамрэч, даляр абясцэніўся, пачынаючы з 1999 году, прыкладна на 40%. Нават калі б мы атрымоўвалі гэтыя намінальныя сумы заробкаў, гэта не паказчык росту дабрабыту. Аднапакаёвая кватэра каштавала 7-8 тысяч, зараз больш за 20 тысяч на беларускім рынку. Таму ўсе гэтыя заявы маюць мала агульнага з ростам рэальнага дабрабыту людзей”.
Дарэчы, учора на рэспубліканскай нарадзе па пытаньнях сацыяльнай палітыкі Лукашэнка заявіў, што ў наступным 2005 годзе на павышэньне даходаў насельніцтва дадаткова будзе накіравана каля 1 мільярду даляраў. Зь якой крыніцы яны возьмуцца – не ўдакладняецца…
Зь 1 лістапада заробкі работнікаў бюджэтнай сфэры ўзрастуць на 20%. Маючае адбыцца павышэньне зарплаты закране 170 тысяч грамадзянаў. У прыватнасьці, Лукашэнка паведаміў, што прыбіральшчыца будзе зарабляць 148 тысяч рублёў, санітарка – ажно 156 тысяч (менш за 70 даляраў).
(Сасноў: ) “Можна называць любыя лічбы, і можна выканаць усё, што называеш. Пакуль наш галоўны гандлёвы партнэр, Расея, мае вельмі добры кан’юнктурны рост, паколькі кошт энерганосьбітаў зараз добры, і на карысьць Расеі – перападае і Беларусі. Лукашэнка таму так сьмела і заяўляе, гэта першае. А па-другое, ён так сьмела кажа толькі тады, калі рэфэрэндум на носе, як кажуць. Што будзе рабіць пасьля рэфэрэндуму – час пакажа. Думаю, што значную частку з таго, што ён абяцае, ён ня выканае”.
На думку Аляксандра Саснова, калі называюцца такія розныя лічбы, гэта сьведчаньне таго, што Лукашэнка бярэ іх не з сур’ёзных эканамічных разьлікаў, а з галавы ці “са столі”…
А які сярэдні заробак у 2010-м годзе прагназуе Міністэрства эканомікі? Як паведамілі ў прэсавай службе Міністэрства эканомікі Беларусі, такіх доўгатэрміновых прагнозаў яшчэ няма. Магчыма, у наступным годзе будзе прагназавацца праграма сацыяльна-эканамічнага разьвіцьця на 2006-2010 гады. А вось што да 2005 году, то сярэдні заробак заплянаваны на ўзроўні 208,5 даляраў, у дзяржслужачых – 225 даляраў. Так што і тут Лукашэнка, мякка кажучы, перагнуў.
Экс-старшыня Нацыянальнага банку, прафэсар Станіслаў Багданкевіч так пракамэнтараваў абяцаны рост заробкаў:
(Багданкевіч: ) “Ён дрэнна вывучаў марксізм-ленінізм. Кожны, хто старанна гэтым займаўся, ведае, што ў нармальнай дзяржаве зарплата павінна крыху адставаць ад росту прадукцыйнасьці працы. Толькі тады эканоміка будзе разьвівацца ўстойліва, без крызысаў”.
На думку Станіслава Багданкевіча, калі б на пачатку 90-х краіна абрала дэмакратыю і рынак, то сярэдняя заработная плата ў Беларусі была б ужо, як у Польшчы – 600 даляраў, а паколькі ў беларускай эканоміцы галоўны рухавік – адміністратыўнае кіраваньне й бізун, таму мы й маем сярэдні заробак у 165 даляраў. Дый калі заробкі будуць так імкліва расьці, гэта ня значыць, што народ стане багацейшы, і дабрабыт вырасьце, лічыць прафэсар Багданкевіч.
(Багданкевіч: ) “Насамрэч, даляр абясцэніўся, пачынаючы з 1999 году, прыкладна на 40%. Нават калі б мы атрымоўвалі гэтыя намінальныя сумы заробкаў, гэта не паказчык росту дабрабыту. Аднапакаёвая кватэра каштавала 7-8 тысяч, зараз больш за 20 тысяч на беларускім рынку. Таму ўсе гэтыя заявы маюць мала агульнага з ростам рэальнага дабрабыту людзей”.
Дарэчы, учора на рэспубліканскай нарадзе па пытаньнях сацыяльнай палітыкі Лукашэнка заявіў, што ў наступным 2005 годзе на павышэньне даходаў насельніцтва дадаткова будзе накіравана каля 1 мільярду даляраў. Зь якой крыніцы яны возьмуцца – не ўдакладняецца…
Зь 1 лістапада заробкі работнікаў бюджэтнай сфэры ўзрастуць на 20%. Маючае адбыцца павышэньне зарплаты закране 170 тысяч грамадзянаў. У прыватнасьці, Лукашэнка паведаміў, што прыбіральшчыца будзе зарабляць 148 тысяч рублёў, санітарка – ажно 156 тысяч (менш за 70 даляраў).
