ХАРТУМ. Пасьля перамоваў з прэзыдэнтам Судану Амарам эль-Башырам, прэм’ер-міністар Вялікай Брытаніі Тоні Блэр заявіў, што суданскі лідэр пагадзіўся на сумесны вывад ўрадавых войскаў і сілаў паўстанцаў, якія ваююць у правінцыі Дарфур. Паводле ААН, у Дарфуры арабскія аддзелы, якіх падтрымлівае суданскі ўрад, забілі каля 50 тысячаў чалавек, а больш за мільён змусілі пакінуць свае дамы.