Лінкі ўнівэрсальнага доступу

Віцяблянін Барыс Хамайда выйшаў да гарвыканкаму з пустым аркушам паперы


Браніслава Станкевіч, Віцебск Замест звыклага ўжо пляката з заклікам да байкоту выбараў спадар Хамайда сёньня трымаў у рукох чысты аркуш паперы. Такім чынам звычайны пікет ператварыўся ў пэрформанс.

Людзі пыталіся ў апазыцыянэра: “Чаму ў вас на паперы нічога няма?”

Спадар Хамайда адказваў ім: “Такая ў нас у Беларусі агітацыйная кампанія, што супраць выбараў агітаваць нельга. Таму й на плякаце нічога няма”.

Або вось так: “Вось прагаласуеце “за” на рэфэрэндуме, і ў вас нічога ня будзе”.

Бальшыня мінакоў сьмяяліся, але пагаджаліся. А міліцэйскі патруль, які час ад часу праходзіў міма, толькі зьдзіўлена паглядаў на ўсё гэта: насамрэч, як можна затрымаць за “белы квадрат” або пакараць за адсутнасьць надпісу на плякаце?
XS
SM
MD
LG