БАГДАД. Паводле аднаго зь ісламскіх Інтэрнэт-сайтаў, у Іраку быў забіты брытанскі закладнік Кенэт Біглі. Пакуль гэтая інфармацыя не пацьверджаная зь іншых крыніц. На гэтым тыдні захопнікі забілі двух калегаў Біглі –амэрыканскіх грамадзян, разам зь якімі яго выкралі 16 верасьня. У сёньняшняй заяве таксама гаворыцца, што цяпер захопленыя яшчэ сямёра брытанскіх вайскоўцаў. Аднак брытанскае камандаваньне абвяргае гэтую інфармацыю.