Лінкі ўнівэрсальнага доступу

П’яныя бацькі кінулі дзяцей у ахопленай пажарам хаце


Падрыхтавала Сьвятлана Курс, Менск Агляд беларускай прэсы

Днямі старшыня Віцебскага гарвыканкаму Пётр Драздоў публічна агітаваў за чатырох кандыдатаў ад улады у Палату Прадстаўнікоў. “Я прашу вас зрабіць стаўку на гэтых дастойных людзей, дзяржаўнікаў”, зьвярнуўся чыноўнік да выбарцаў. Пра гэта паведамляе “Віцебскі кур’ер” і заадно згадвае: на апошніх выбарах ажно чвэрць віцяблянаў прагаласавала супраць усіх.

У вёсцы Мягуны Пастаўскага раёна ўчора загарэлася хата ад няспраўнай праводкі. П’яныя бацькі выскачылі, кінуўшы ў агні сваіх чатырох дзяцей. Дзетак уратавалі адважныя й цьвярозыя суседзі.

Дзівосная навіна ад “Віцебскага кур’ера”: у аўторак у дзіцячы сад у цэнтры Віцебску зайшоў дзікі янот і сеў у куток. Выхавальніцы выклікалі выратавальнікаў. Вэтэрынары ізалявалі госьця на 10 дзён, западозрыўшы шаленства, бо гэты зьвер ніколі нават не набліжаецца да людзкіх паселішчаў.
XS
SM
MD
LG