КАБУЛ. Амэрыканскае камандаваньне паведаміла, што адзін вайсковец ЗША быў забіты ў аўганскай правінцыі Хост, а 14 параненыя ў іншых раёнах краіны. Гэта трэці амэрыканскі жаўнер, што загінуў у Аўганістане ў гэтым тыдні. Між тым прэзыдэнт Аўгансітану Хамід Карзай, прамаўляючы ў часе паседжаньня Генэральнай асамблеі ААН, заявіў: (Карзай) “Тэрарызм застаецца адной з нашых галоўных праблемаў. Экстрэмісты працягваюць нападаць на нашых грамадзянаў і пагражаць стабільнасьці краіны. Пакуль тэрарызм не зьнішчаны – ні Аўганістан, ні нашыя суседзі, ні ўвесь сьвет ня могуць адчуваць, што жывуць у бясьпецы".