Праблемы са здароўем маюць 70 адсоткаў маладых людзей – называючы гэтую лічбу Віктар Колбанаў адштурхоўваецца ад статыстыкі зваротаў у менскую студэнцкую паліклініку студэнтаў-першакурсьнікаў. Але намесьнік міністра аховы здароўя лічыць, што такія дадзеныя можна ў прынцыпе сьмела экстрапаляваць на ўсю краіну. Хранічныя хваробы дыхальных шляхоў, вачэй і страваваньня былі ў маладых людзей заўсёды, аднак цяпер да гэтых праблемаў далучаецца яшчэ й эндакрынныя захворваньні ды злаякасныя новаўтварэньні – яны сустракаюцца ўсё часьцей.
Што да прычынаў такой вялікай колькасьці нездаровых сярод моладзі, то спадар Колбанаў называе тут экалёгію, спадчыннасьць (беларуская нацыя напрацавала ў гэтым сэнсе не найлепшы патэнцыял) ды “хваробу цывілізацыі” – маларухомы лад жыцьця.
(Колбанаў: ) “Найноўшыя тэхналёгіі, кампутарныя тэхналёгіі, тэлевізія, канечне ж, шмат у чым скарачаюць магчымасьць рухомага ладу жыцьця ў моладзі. Сёньня можна ўбачыць аксэлератаў: гэта высокія й худасочныя, а іншая катэгорыя – наадварот, з атлусьценьнем. Гэта таксама маларухомы лад жыцьця й недастатковая фізычная актыўнасьць”.
Сярод фактараў, якія не спрыяюць умацаваньню здароўя, спэцыяліст называе таксама шкодныя звычкі. На пачатку гэтага году на ўліку ў наркалягічных дыспансэрах было больш за 14 тысяч падлеткаў з наркатычнай ды алькагалічнай залежнасьцю. Прычым са словаў спадара Колбанава, каб атрымаць рэальную колькасьць наркаманаў і алькаголікаў сярод падлеткаў, трэба гэтую лічбу памножыць на пяць.
Як спэцыялісты ацэньваюць рэпрадуктыўнае здароўе беларускай моладзі? У Беларусі сёньня моладзьдзю лічацца людзі ва ўзросьце ад 15 да 31 году – такіх 2,3 мільёны чалавек. Улічваючы тое, што нараджальнасьць у краіне наагул зьніжаецца, рэпрадуктыўнае здароўе маладых людзей таксама мэдыкаў хвалюе – нацыя старэе, і праз некалькі дзесяцігодзьдзяў беларускіх пэнсіянэраў папросту ня будзе каму карміць. Пакуль на ўзровень нараджальнасьці маюць уплыў больш сацыяльныя фактары – на гадаваньне дзіцяці няма грошай, альбо маладыя людзі імкнуцца пажыць для сябе.
Разам з тым у Беларусі вельмі шмат гэтак званых “падлеткавых цяжарнасьцяў” сярод дзяўчат ва ўзросьце ад 15 да 19 гадоў. Тут у нас адзін з самых высокіх у Эўропе паказьнікаў – 43 такіх цяжарнасьці на 1000 дзяўчат.
У падлеткаў і моладзі па-ранейшаму часта знаходзяць вэнэрычныя захворваньні – паводле інфармацыі Міністэрства аховы здароўя, летась было зарэгістравана 200 выпадкаў сыфілісу й 300 выпадкаў ганарэі ў непаўнагадовых. Таму спадзявацца на тое, што пакаленьне сёньняшняй слабой і хваравітай моладзі народзіць здаравейшых дзяцей, не выпадае.
Што да прычынаў такой вялікай колькасьці нездаровых сярод моладзі, то спадар Колбанаў называе тут экалёгію, спадчыннасьць (беларуская нацыя напрацавала ў гэтым сэнсе не найлепшы патэнцыял) ды “хваробу цывілізацыі” – маларухомы лад жыцьця.
(Колбанаў: ) “Найноўшыя тэхналёгіі, кампутарныя тэхналёгіі, тэлевізія, канечне ж, шмат у чым скарачаюць магчымасьць рухомага ладу жыцьця ў моладзі. Сёньня можна ўбачыць аксэлератаў: гэта высокія й худасочныя, а іншая катэгорыя – наадварот, з атлусьценьнем. Гэта таксама маларухомы лад жыцьця й недастатковая фізычная актыўнасьць”.
Сярод фактараў, якія не спрыяюць умацаваньню здароўя, спэцыяліст называе таксама шкодныя звычкі. На пачатку гэтага году на ўліку ў наркалягічных дыспансэрах было больш за 14 тысяч падлеткаў з наркатычнай ды алькагалічнай залежнасьцю. Прычым са словаў спадара Колбанава, каб атрымаць рэальную колькасьць наркаманаў і алькаголікаў сярод падлеткаў, трэба гэтую лічбу памножыць на пяць.
Як спэцыялісты ацэньваюць рэпрадуктыўнае здароўе беларускай моладзі? У Беларусі сёньня моладзьдзю лічацца людзі ва ўзросьце ад 15 да 31 году – такіх 2,3 мільёны чалавек. Улічваючы тое, што нараджальнасьць у краіне наагул зьніжаецца, рэпрадуктыўнае здароўе маладых людзей таксама мэдыкаў хвалюе – нацыя старэе, і праз некалькі дзесяцігодзьдзяў беларускіх пэнсіянэраў папросту ня будзе каму карміць. Пакуль на ўзровень нараджальнасьці маюць уплыў больш сацыяльныя фактары – на гадаваньне дзіцяці няма грошай, альбо маладыя людзі імкнуцца пажыць для сябе.
Разам з тым у Беларусі вельмі шмат гэтак званых “падлеткавых цяжарнасьцяў” сярод дзяўчат ва ўзросьце ад 15 да 19 гадоў. Тут у нас адзін з самых высокіх у Эўропе паказьнікаў – 43 такіх цяжарнасьці на 1000 дзяўчат.
У падлеткаў і моладзі па-ранейшаму часта знаходзяць вэнэрычныя захворваньні – паводле інфармацыі Міністэрства аховы здароўя, летась было зарэгістравана 200 выпадкаў сыфілісу й 300 выпадкаў ганарэі ў непаўнагадовых. Таму спадзявацца на тое, што пакаленьне сёньняшняй слабой і хваравітай моладзі народзіць здаравейшых дзяцей, не выпадае.
