НЬЮ-ЁРК. Ізраіль абяцае не будаваць новых паселішчаў на Заходнім Беразе Ярдану і у сэктары Газа. Пра гэта заявіў міністрар замежных справаў Ізраілю Сільван Шалом у часе сустрэчы з дзяржсакратаром ЗША Колінам Паўэлам у Нью-Ёрку.
Шалом паведаміў таксама, што Ізраіль ліквідаваў 20 часовых блёк-пастоў на палестынскіх тэрыторыях.
Прэзыдэнт ЗША Джордж Буш у сваім выступе заклікаў Ізраіль прыпыніць пабудову новых паселішчаў, і Палестынскае кіраўніцтва – спыніць дачыненьні з экстрэмістамі.