БРУСЭЛЬ. Эўрапейская камісія рэкамэндавала лідэрам Краінаў Эўразьвязу адмовіць Турэччыне ў пачатку перамоваў аб далучэньні гэтай краіны да Эўразьвязу, калі Анкара не ўхваліць новы крымінальны кодэкс.
Паводле Эўракамісіі, Турэччына павінна ўхваліць кодэкс да 6 кастрычніка, інакш перамовы зь ёй не пачнуцца.
У мінулым тыдні турэцкі ўрад адклікаў праект новага крымінальнага заканадаўства пасьля таго, як правацэнтрысцкая апазыцыя заблякавала яго ў парлямэнце.