ТЭГЕРАН. Прэзыдэнт Ірану Махамад Хатамі папярэдзіў, што ціск з боку рэлігійных аўтарытэтаў краіны можа прывесьці да таго, што артысты і інтэлектуалы пачнуць уцякаць зь Ірану. Гэтыя камэнтары Хатамі былі зробленыя пасьля арышту арганізатараў фільмовага фэстывалю. Тыя былі затрыманыя паліцыяй у справах маралі. Сярод прэтэнзіяў паліцыі да ўдзельнікаў фэстывалю было парушэньне ісламскай формы адзеньня.