Лінкі ўнівэрсальнага доступу

Дэпутатка Віцебскага гарсавету Вольга Карач засталася беспрацоўнай


Браніслава Санкевіч, Віцебск Пасьля таго, як былі абвешчаныя парлямэнцкія выбары, спадарыня Карач двойчы спрабавала зарэгістравацца ў якасьці кандыдаткі ў дэпутаты. Але акруговая камісія № 19 сьпярша адмовілася зарэгістраваць ейную ініцыятыўную групу, а потым не зарэгістравала і асабіста Вольгу Карач у якасьці кандыдаткі ад Беларускай сацыял-дэмакратычнай партыі “Народная грамада”.

Пакуль настаўніца ангельскай мовы Вольга Карач адстойвала свае правы балятавацца ў Віцебску ды Менскім Цэнтарвыбаркаме, адміністрацыя СШ №27 абвясьціла, што абавязковы тэрмін ейнага працаўладкаваньня ў якасьці маладога адмыслоўцы скончыўся. І працоўны кантракт школа зь ёй заключаць ня будзе, бо высьветлілася, што вялікая грамадзкая актыўнасьць замінае дэпутатцы ў ейнай прафэсійнай настаўніцкай дзейнасьці. Такім чынам, Вольга Карач сталася адзінай беспрацоўнай дэпутаткай гарсавету, дзе дагэтуль была адзінай прадстаўніцай палітычнай апазыцыі.

Свае правы балятавацца ў парлямэнт Вольга Kарач зьбіраецца адстойваць далей у Цэнтарвыбаркаме, а што да пэрспэктываў працаўладкаваньня, то ва ўмовах кантрактнай сыстэмы спадарыня Карач ня мае жаданьня ўладкоўвацца болей на дзяржаўную працу.
XS
SM
MD
LG