Лінкі ўнівэрсальнага доступу

Дзеля ўшанаваньня памяці ахвяраў у Бэслане ў Віцебску адбываецца акцыя “Запалі сьвечку”


Браніслава Станкевіч, Віцебск Сябры ўкраінскай грамадзкай суполкі “Радзіслаў” прапанавалі цягам сарака дзён запальваць сьвечкі памяці ў віцебскіх праваслаўных храмах.

Паколькі спаміж пацярпелых у выніку тэракту дзяцей ёсьць і ўкраінцы, тутэйшае украінскае зямляцтва заклікае ўсіх віцяблянаў маліцца за супакаеньне душаў загіблых.

Заўтра, на дзявятыя суткі пасьля трагедыі, у віцебскай царкве Кірыла ды Мяфодзія пройдзе памінальная імша па бязьвінна забітых, а ў нядзелю сябры суполкі “Радзіслаў” зьбяруцца на імшу за здароўе ацалелых бэсланскіх дзетак.
XS
SM
MD
LG