Акрамя дамовы аб асновах узаемаадносінаў і прынцыпах супрацоўніцтва паміж Беларусьсю і Іранам, падпісанай А.Лукашэнкам і М.Хатамі, сёньня было ухвалена пяць пагадненьняў у розных галінах. Афіцыйна паведамляецца, што гэтыя дакумэнты цягам двух-трох гадоў павінны паспрыяць росту таваразвароту паміж дзьвюма краінамі да 100 мільёнаў даляраў на год. Летась двухбаковы таваразварот быў у крыху больш за 20 мільёнаў даляраў, прычым складаўся ён пераважна зь беларускага экспарту, у тым ліку зброі.
Аляксандар Лукашэнка, заклікаючы да пашырэньня сувязяў з Тэгеранам, заявіў, што “няма такіх кірункаў, па якіх Беларусь і Іран не маглі бы ўзаемадзейнічаць”. Махамад Хатамі у сваю чаргу пахвальна выказаўся наконт “незалежнай замежнай палітыкі Беларусі”. Падчас публічных заяваў А.Лукашэнкі і М.Хатамі, агучаных па выніках двухбаковых перамоваў, не было закранута ніводнай вострай палітычнай тэмы: ні наконт праблемаў міжнароднай бясьпекі й тэрарызму, ні наконт супярэчлівай ядзернай праграмы Тэгерану і адносінах з ЗША, ні аб сытуацыі ў Іраку, ні наконт рашэньня А.Лукашэнкі правесьці рэфэрэндум аб працягу сваіх паўнамоцтваў.
Махамад Хатамі, які ў наступным годзе сыходзіць з пасады прэзыдэнта, дыпляматычна абышоў вострыя тэмы. Сустрэча Махамада Хатамі й Аляксандра Лукашэнкі доўжылася адну гадзіну. Заўтра спадар Хатамі адлятае ў Таджыкістан.
Прэзыдэнта Ірана Махамада Хатамі чакалі ў Менску ад 1998 году, калі ў Тэгеране зь візытам пабываў Аляксандар Лукашэнка. Візыт Хатамі у адказ плянаваўся некалькі гадоў, але ўвесь час адкладваўся: то з прычыны ірацкай вайны, то з-за вострых унутрыпалітычных падзеяў у самім Іране, у прыватнасьці, скандалу вакол удзелу апазыцыі ў парлямэнцкіх выбарах. Урэшце падчас турнэ спадара Хатамі па краінах СНД ён заехаў і ў Менск. Перамовы спадара Хатамі з Аляксандрам Лукашэнкам працягваліся адну гадзіну і скончыліся бязь нейкіх сэнсацыйных заяваў ці рашэньняў.
Менскі палітоляг Аляксей Кароль не зьдзіўляецца малой выніковасьці гэтага візыту, усё-такі Беларусь і Іран вельмі далёкія і розныя краіны. Але Аляксандру Лукашэнку выбіраць сваіх замежных суразмоўцаў не выпадае.
(Кароль: ) “Па сутнасьці, калі Беларусь знаходзіцца ў міжнароднай ізаляцыі, то любы кантакт гэтай уладзе патрэбны зь любой краінай, бо ён як бы дэманструе прысутнасьць, уключанасьць у міжнародныя працэсы”.
Аляксей Кароль кажа, што такія кантакты асабліва патрэбныя цяпер для афіцыйнай прапагандысцкай машыны, каб узьняць імідж А.Лукашэнкі напярэдадні рэфэрэндуму. На думку Аляксея Караля, нельга выключаць павелічэньня іранскай цікавасьці й да беларускай зброі, паколькі Іран зьяўляецца яе традыцыйным спажыўцом, а афіцыйны Меск зацікаўлены ў дадатковых прыбытках для выкананьня рэфэрэндумных абяцаньняў А.Лукашэнкі аб росьце сярэднямесячнай заработнай платы да 250 даляраў і стрымліваньні росту камунальных тарыфаў.
Аднак прэзыдэнт Ірану падчас сустрэчаў у Менску ніяк не закрануў галоўнай унутрыпалітычнай праблемы Лукашэнкі — рэфэрэндуму. На думку палітоляга Аляксея Караля, гэтае маўчаньне — дыпляматычнае.
(Кароль: ) “Я думаю, што гэта па той самай прычыне, што прэзыдэнт Ірану таксама мае абмежаваньне па тэрмінах паўнамоцтваў, і не працягвае сваё знаходжаньне ва ўладзе. Таму ён абмяжоўвае свае стасункі зь Беларусьсю выключана афіцыйнымі стасункамі дзьвюх дзяржаваў”.
Акрамя іншага беларускі бок вывучае магчымасьці супрацоўніцтва з Іранам у нафтагазавай сфэры. Нядаўна дзьвюма краінамі быў падпісаны адпаведны мэмарандум.
Аляксандар Лукашэнка, заклікаючы да пашырэньня сувязяў з Тэгеранам, заявіў, што “няма такіх кірункаў, па якіх Беларусь і Іран не маглі бы ўзаемадзейнічаць”. Махамад Хатамі у сваю чаргу пахвальна выказаўся наконт “незалежнай замежнай палітыкі Беларусі”. Падчас публічных заяваў А.Лукашэнкі і М.Хатамі, агучаных па выніках двухбаковых перамоваў, не было закранута ніводнай вострай палітычнай тэмы: ні наконт праблемаў міжнароднай бясьпекі й тэрарызму, ні наконт супярэчлівай ядзернай праграмы Тэгерану і адносінах з ЗША, ні аб сытуацыі ў Іраку, ні наконт рашэньня А.Лукашэнкі правесьці рэфэрэндум аб працягу сваіх паўнамоцтваў.
Махамад Хатамі, які ў наступным годзе сыходзіць з пасады прэзыдэнта, дыпляматычна абышоў вострыя тэмы. Сустрэча Махамада Хатамі й Аляксандра Лукашэнкі доўжылася адну гадзіну. Заўтра спадар Хатамі адлятае ў Таджыкістан.
Прэзыдэнта Ірана Махамада Хатамі чакалі ў Менску ад 1998 году, калі ў Тэгеране зь візытам пабываў Аляксандар Лукашэнка. Візыт Хатамі у адказ плянаваўся некалькі гадоў, але ўвесь час адкладваўся: то з прычыны ірацкай вайны, то з-за вострых унутрыпалітычных падзеяў у самім Іране, у прыватнасьці, скандалу вакол удзелу апазыцыі ў парлямэнцкіх выбарах. Урэшце падчас турнэ спадара Хатамі па краінах СНД ён заехаў і ў Менск. Перамовы спадара Хатамі з Аляксандрам Лукашэнкам працягваліся адну гадзіну і скончыліся бязь нейкіх сэнсацыйных заяваў ці рашэньняў.
Менскі палітоляг Аляксей Кароль не зьдзіўляецца малой выніковасьці гэтага візыту, усё-такі Беларусь і Іран вельмі далёкія і розныя краіны. Але Аляксандру Лукашэнку выбіраць сваіх замежных суразмоўцаў не выпадае.
(Кароль: ) “Па сутнасьці, калі Беларусь знаходзіцца ў міжнароднай ізаляцыі, то любы кантакт гэтай уладзе патрэбны зь любой краінай, бо ён як бы дэманструе прысутнасьць, уключанасьць у міжнародныя працэсы”.
Аляксей Кароль кажа, што такія кантакты асабліва патрэбныя цяпер для афіцыйнай прапагандысцкай машыны, каб узьняць імідж А.Лукашэнкі напярэдадні рэфэрэндуму. На думку Аляксея Караля, нельга выключаць павелічэньня іранскай цікавасьці й да беларускай зброі, паколькі Іран зьяўляецца яе традыцыйным спажыўцом, а афіцыйны Меск зацікаўлены ў дадатковых прыбытках для выкананьня рэфэрэндумных абяцаньняў А.Лукашэнкі аб росьце сярэднямесячнай заработнай платы да 250 даляраў і стрымліваньні росту камунальных тарыфаў.
Аднак прэзыдэнт Ірану падчас сустрэчаў у Менску ніяк не закрануў галоўнай унутрыпалітычнай праблемы Лукашэнкі — рэфэрэндуму. На думку палітоляга Аляксея Караля, гэтае маўчаньне — дыпляматычнае.
(Кароль: ) “Я думаю, што гэта па той самай прычыне, што прэзыдэнт Ірану таксама мае абмежаваньне па тэрмінах паўнамоцтваў, і не працягвае сваё знаходжаньне ва ўладзе. Таму ён абмяжоўвае свае стасункі зь Беларусьсю выключана афіцыйнымі стасункамі дзьвюх дзяржаваў”.
Акрамя іншага беларускі бок вывучае магчымасьці супрацоўніцтва з Іранам у нафтагазавай сфэры. Нядаўна дзьвюма краінамі быў падпісаны адпаведны мэмарандум.
