Лінкі ўнівэрсальнага доступу

МЗС Беларусі пракамэнтаваў заяву Дзярждэпартамэнту


Прэсавы сакратар МЗС Беларусі Андрэй Савіных сёньня пракамэнтаваў заяву прадстаўніка дзярждэпартамэнту Рычарда Баўчара. Паводле Савіных “спробу загадзя паставіць пад сумнеў вынікі волевыяўленьня грамадзянаў на выбарах і рэфэрэндуме можна трактаваць як ціск на меркаваньне міжнародных назіральнікаў, задача якіх палягае ў аб’ектыўнай ацэнцы выбарчага працэсу”. Прадстаўнік беларускага МЗС заявіў, што запрашэньне беларускім бокам вялікай колькасьці замежных назіральнікаў на выбары, указ прэзыдэнта аб уключэньні прадстаўнікоў палітычных партыяў у склад Цэнтарвыбаркаму сьведчаць аб цьвёрдай прыхільнасьці да правядзеньня адкрытых і свабодных выбараў.

Андрэй Савіных выказаў спадзяваньне, што амэрыканскі бок належным чынам ацэніць гэтыя крокі.
XS
SM
MD
LG