“Два гады, якія я быў першым намесьнікам старшыні Беларускага ПЭН-Цэнтру, сталіся для арганізацыі залатым часам”, — гэтак з гумарам пачаў справаздачны даклад Андрэй Дынько. І патлумачыў, што за гэты час арганізацыю шматкроць правяралі розныя службы камітэту дзяржкантролю, фінансавых ды юрыдычных органаў, зь якіх ПЭНу ўсё ж удалося выбрацца жывым. Ды яшчэ і ладзіць пэўную пасьпяховую працу, зь якое выступоўца вылучыў захады ў справе падтрымкі беларускае мовы і літаратуры, беларускамоўнае адукацыі й незалежных сродкаў масавае інфармацыі, конкурсы маладых літаратараў. Гэтыя ды іншыя справы сход назваў у якасьці прыярытэтных у сваёй дзейнасьці на блізкі час.
Сход ПЭН-Цэнтру падтрымаў ініцыятыву сваіх замежных калегаў намінаваць былога прэзыдэнта Чэхіі Вацлава Гаўла на Нобэлеўскую прэмію міру. Вось як патлумачыў нашаму радыё гэтае рашэньне старшыня арганізацыі Лявон Баршчэўскі:
(Баршчэўскі: ) “Вацлаў Гавэл — абсалютна выбітная асоба, у якога душа заўсёды балела і баліць за Беларусь.дастаткова ўспомніць мінулагоднюю перадачу сваёй уласнай прэміі газэце “Наша Ніва”, дастаткова ўспомніць яго падтрымку бацькоўскаму камітэту Беларускага ліцэю, і асабліва вялікую падтрымку дзейнасьці камітэту “Людзі ў нядолі”, які працуе ў Чэхіі й які даў магчымасьць многім беларусам-палітэмігрантам набыць апору пры выезьдзе ў Чэхію”.
Кожны год на сходах ПЭНу разглядалася пытаньне пра падтрымку беларускага намінанта на Нобэлеўскую прэмію ў галіне літаратуры. Нязьменна гэта быў Васіль Быкаў. Аднак пасьля яго сьмерці рада не прыйшла да згоды па новай кандыдатуры. І сёньня гэтае пытаньне не абмяркоўвалася.
Сход ПЭН-Цэнтру абраў новага першага намесьніка старшыні, які згодна са статутам арганізацыі зьяўляецца фактычным выканаўчым дырэктарам. Ім стаў малады перакладчык Сяржук Сматрычэнка.
Сход ПЭН-Цэнтру падтрымаў ініцыятыву сваіх замежных калегаў намінаваць былога прэзыдэнта Чэхіі Вацлава Гаўла на Нобэлеўскую прэмію міру. Вось як патлумачыў нашаму радыё гэтае рашэньне старшыня арганізацыі Лявон Баршчэўскі:
(Баршчэўскі: ) “Вацлаў Гавэл — абсалютна выбітная асоба, у якога душа заўсёды балела і баліць за Беларусь.дастаткова ўспомніць мінулагоднюю перадачу сваёй уласнай прэміі газэце “Наша Ніва”, дастаткова ўспомніць яго падтрымку бацькоўскаму камітэту Беларускага ліцэю, і асабліва вялікую падтрымку дзейнасьці камітэту “Людзі ў нядолі”, які працуе ў Чэхіі й які даў магчымасьць многім беларусам-палітэмігрантам набыць апору пры выезьдзе ў Чэхію”.
Кожны год на сходах ПЭНу разглядалася пытаньне пра падтрымку беларускага намінанта на Нобэлеўскую прэмію ў галіне літаратуры. Нязьменна гэта быў Васіль Быкаў. Аднак пасьля яго сьмерці рада не прыйшла да згоды па новай кандыдатуры. І сёньня гэтае пытаньне не абмяркоўвалася.
Сход ПЭН-Цэнтру абраў новага першага намесьніка старшыні, які згодна са статутам арганізацыі зьяўляецца фактычным выканаўчым дырэктарам. Ім стаў малады перакладчык Сяржук Сматрычэнка.
