У судзе апытвалі сьведкаў, каб паспрабаваць высьветліць — ці была абраза прэзыдэнта ў вершаванай першамайскай улётцы і ці насамрэч адбыліся беспарадкі на вуліцах пасьля мітынгу 1 траўня?
Сёньня быў чацьверты дзень працэсу. Першым дапытвалі ў якасьці сьведкі капітана міліцыі Герасімовіча. Яму актыўна задаваў пытаньні Валеры Леванеўскі, якога трымаюць падчас працэсу ў клетцы. Міліцыянт на некаторыя пытаньні стаў адказваць інакш, чымсьці адказваў раней у пракуратуры ў часе сьледзтва. Судзьдзя Дземчанка мусіў запытацца ў яго: якія паказаньні браць за аснову — цяперашнія ці ранейшыя? Капітан Герасімовіч адказаў, што —ранейшыя. Паводле міліцыянта, плякаты мітынгоўцаў з надпісам “Лукашэнку ў адстаўку!” ён лічыць абразай прэзыдэнта.
На судзе прысутнічала 17-гадовая дачка Валерыя Леванеўскага Кацярына. Яна сёлета здала экзамэны ў Гарадзенскі ўнівэрсытэт на юрыдычны факультэт, але магла разьлічваць толькі на платнае навучаньне, таму забрала дакумэнты. Яе ўражаньні ад допыту сьведкаў:
(Леванеўская: ) “Тое, што яны гавораць, такое адчуваньне, што гэта ня іхнае меркаваньне, а хтосьці ім яго навязаў. Ім задаюць прамое пытаньне з боку абароны, і такое адчуваньне, што яны не разумеюць гэтага пытаньня і самі ня ведаюць, як на яго адказаць”.
Сёньня быў чацьверты дзень працэсу. Першым дапытвалі ў якасьці сьведкі капітана міліцыі Герасімовіча. Яму актыўна задаваў пытаньні Валеры Леванеўскі, якога трымаюць падчас працэсу ў клетцы. Міліцыянт на некаторыя пытаньні стаў адказваць інакш, чымсьці адказваў раней у пракуратуры ў часе сьледзтва. Судзьдзя Дземчанка мусіў запытацца ў яго: якія паказаньні браць за аснову — цяперашнія ці ранейшыя? Капітан Герасімовіч адказаў, што —ранейшыя. Паводле міліцыянта, плякаты мітынгоўцаў з надпісам “Лукашэнку ў адстаўку!” ён лічыць абразай прэзыдэнта.
На судзе прысутнічала 17-гадовая дачка Валерыя Леванеўскага Кацярына. Яна сёлета здала экзамэны ў Гарадзенскі ўнівэрсытэт на юрыдычны факультэт, але магла разьлічваць толькі на платнае навучаньне, таму забрала дакумэнты. Яе ўражаньні ад допыту сьведкаў:
(Леванеўская: ) “Тое, што яны гавораць, такое адчуваньне, што гэта ня іхнае меркаваньне, а хтосьці ім яго навязаў. Ім задаюць прамое пытаньне з боку абароны, і такое адчуваньне, што яны не разумеюць гэтага пытаньня і самі ня ведаюць, як на яго адказаць”.
