ВАШЫНГТОН. Дзяржсакратар ЗША Колін Паўэл адмяніў паездку ў Афіны, дзе ён меўся браць удзел у цырымоніі закрыцьця алімпійскіх гульняў.
Паводле прадстаўніка Дзярждэпартамэнту Рычарда Баўчэра, гэта зьвязанае з неадкладнымі справамі, якія патрабуюць прысутнасьці Паўэла ў Вашынгтоне.
Між тым учора ў Афінах прайшлі акцыі пратэсту супраць палітыкі ЗША ў Іраку.
(Удзельнік акцыі) “Гэта нашая перамога. Пасьля першай акцыі, якая адбылася ў пятніцу, Паўэл адклаў паездку ў Афіны да кастрычніка. Народ Грэцыі заўсёды выступаў супраць палітыкі ЗША ў Іраку”