МАСКВА. Вайсковая калегія Вярхоўнага суду Расеі скасавала апраўдальны вырак у справе групы жаўнераў расейскага спэцназу, пад камандаваньнем капітана Эдуарда Ульмана, якія абвінавачваліся ў забойстве шасьці мірных жыхароў Чачэніі.
Суд задаволіў скаргу сваякоў забітых і накіраваў справу на паўторны разгляд з новым складам прысяжных.
Паводле пракуратуры, у студзені 2001 году ў Шатойскім раёне Чачэніі, падсудныя расстралялі пасажыраў аўтамабілю, кіроўца якога адмовіўся спыніцца.