ПРЫШЦІНА. Новы адміністратар ААН у Косаве прыбыў сёньня ў гэтую правінцыю і заявіў, што будзе рабіць усё, каб у Косаве панаваў мір. Сорэн Есэн-Пэтэрсэн заявіў: “Я моцна веру ў тое, што Косава засталося апошняй перашкодай на шляху да нармалізацыі на заходніх Балканах і інтэграцыі гэтага рэгіёну ў Эўропу”. Спадар Есэн-Пэтэрсэн ёсьць экспэртам у справах уцекачоў з Даніі і былым прадстаўніком Эўразьвязу ў Макэдоніі.