Інстытут нямецкіх дасьледаваньняў пры Эўрапейскім гуманітарным унівэрсытэце зьяўляецца адным з найбольш пасьпяховых праектаў у галіне нямецка-беларускага адукацыйнага супрацоўніцтва. Некаторыя навучальныя курсы Інстытуту створаны паводле ўзору модуляў унівэрсытэту ў Франкфурце-на-Одэры. Зь беларускімі студэнтамі праводзяць заняткі нямецкія філёзафы, эканамісты, палітолягі – прычым, выключна на нямецкай мове.
Апошнім часам зь неафіцыйных размоваў можна было дазнацца, што адносна навучальных плянаў немцаў паступае ўсё больш, так бы мовіць, рэкамэндацый з боку беларускіх міністэрскіх чыноўнікаў. Чыноўнікі настойліва раяць замяніць, напрыклад, курс рынкавай эканомікі на курс па міжнародных правох дзіцяці альбо СНІДу.
Адзін зь нямецкіх выкладчыкаў, які мае працяглы кантракт з ЭГУ, а цяпер разам са сваімі калегамі паўстаў перад непазьбежнасьцю пакінуць памяшканьні Інстытуту ад 5 жніўня, занепакоены сытуацыяй, але лічыць, што й у такім выпадку трэба шукаць рашэньне.
(Выкладчык: ) “Так, мы атрымалі ліст ад мясцовых уладаў, у аўторак, што мусім пакінуць памяшканьні. Зразумела, гэтыя прэтэнзіі не да нашага Інстытуту, а да ЭГУ. Аднак мы лічым, што трэба шукаць рашэньне. Казаць што-небудзь больш пакуль зарана”.
Пакуль замежныя партнэры Эўрапейскага ўнівэрсытэту ўстрымліваюцца ад нейкіх камэнтароў і даюць зразумець, што пытаньне ня толькі ў арэндзе.
Паводле заходніх дыпляматаў, жаданьне беларускіх уладаў любым шляхам спыніць навучальны працэс у гэтай установе, можа мець самыя сумныя наступствы для прэстыжу Беларусі.
Нямецкі дыплямат Гельмут Фрык, які да чэрвеня працаваў амбасадарам ФРГ ў Менску, перакананы:
(Фрык: ) “Гэта было б вялікай трагедыяй для Беларусі, ейных партнэраў, калі ЭГУ далей ня зможа існаваць ці працаваць у поўным аб’ёме. Мы, Эўразьвяз і Нямеччына, пераканаўча выклалі сваю пазыцыю беларускаму ўраду… Выканаўца абавязкаў старшыні Эўразьвязу ад імя краінаў ЭЗ напісаў дакладны й зьмястоўны ліст міністру Мартынаву. Тое, што ЭГУ, хоць і са спазьненьнем, выдалі ліцэнзію, можна абгрунтаваць і ўзьдзеяньнем гэтае акцыі. Мы чулі, што й цяпер маюцца цяжкасьці, але спадзяёмся: яны будуць пераадолены. Са свайго боку, мы будзем і надалей гэтаму ўсяляк садзейнічаць”.
Гэтая пазыцыя Нямеччыны й Эўропы была выкладзена яшчэ раней, калі ўстанову зьбіраліся пазбавіць ліцэнзіі. Тады ад імя краінаў Эўразьвязу міністру замежных справаў Беларусі Мартынаву быў напісаны адмысловы ліст, у якім патлумачвалася занепакоенасьць эўрапейскіх краін у зьвязку зь лёсам ЭГУ.
Эўрапейскі ўнівэрсытэт па-ранейшаму лічыцца сярод беларускай моладзі адной з самых прэстыжных ВНУ, і сёлета, як і ў папярэднія гады, сюды пададзена вялікая колькасьць заяваў на паступленьне.
Гл. таксама Улады запатрабавалі адстаўкі рэктара Эўрапейскага гуманітарнага ўнівэрсытэту
Апошнім часам зь неафіцыйных размоваў можна было дазнацца, што адносна навучальных плянаў немцаў паступае ўсё больш, так бы мовіць, рэкамэндацый з боку беларускіх міністэрскіх чыноўнікаў. Чыноўнікі настойліва раяць замяніць, напрыклад, курс рынкавай эканомікі на курс па міжнародных правох дзіцяці альбо СНІДу.
Адзін зь нямецкіх выкладчыкаў, які мае працяглы кантракт з ЭГУ, а цяпер разам са сваімі калегамі паўстаў перад непазьбежнасьцю пакінуць памяшканьні Інстытуту ад 5 жніўня, занепакоены сытуацыяй, але лічыць, што й у такім выпадку трэба шукаць рашэньне.
(Выкладчык: ) “Так, мы атрымалі ліст ад мясцовых уладаў, у аўторак, што мусім пакінуць памяшканьні. Зразумела, гэтыя прэтэнзіі не да нашага Інстытуту, а да ЭГУ. Аднак мы лічым, што трэба шукаць рашэньне. Казаць што-небудзь больш пакуль зарана”.
Пакуль замежныя партнэры Эўрапейскага ўнівэрсытэту ўстрымліваюцца ад нейкіх камэнтароў і даюць зразумець, што пытаньне ня толькі ў арэндзе.
Паводле заходніх дыпляматаў, жаданьне беларускіх уладаў любым шляхам спыніць навучальны працэс у гэтай установе, можа мець самыя сумныя наступствы для прэстыжу Беларусі.
Нямецкі дыплямат Гельмут Фрык, які да чэрвеня працаваў амбасадарам ФРГ ў Менску, перакананы:
(Фрык: ) “Гэта было б вялікай трагедыяй для Беларусі, ейных партнэраў, калі ЭГУ далей ня зможа існаваць ці працаваць у поўным аб’ёме. Мы, Эўразьвяз і Нямеччына, пераканаўча выклалі сваю пазыцыю беларускаму ўраду… Выканаўца абавязкаў старшыні Эўразьвязу ад імя краінаў ЭЗ напісаў дакладны й зьмястоўны ліст міністру Мартынаву. Тое, што ЭГУ, хоць і са спазьненьнем, выдалі ліцэнзію, можна абгрунтаваць і ўзьдзеяньнем гэтае акцыі. Мы чулі, што й цяпер маюцца цяжкасьці, але спадзяёмся: яны будуць пераадолены. Са свайго боку, мы будзем і надалей гэтаму ўсяляк садзейнічаць”.
Гэтая пазыцыя Нямеччыны й Эўропы была выкладзена яшчэ раней, калі ўстанову зьбіраліся пазбавіць ліцэнзіі. Тады ад імя краінаў Эўразьвязу міністру замежных справаў Беларусі Мартынаву быў напісаны адмысловы ліст, у якім патлумачвалася занепакоенасьць эўрапейскіх краін у зьвязку зь лёсам ЭГУ.
Эўрапейскі ўнівэрсытэт па-ранейшаму лічыцца сярод беларускай моладзі адной з самых прэстыжных ВНУ, і сёлета, як і ў папярэднія гады, сюды пададзена вялікая колькасьць заяваў на паступленьне.
Гл. таксама Улады запатрабавалі адстаўкі рэктара Эўрапейскага гуманітарнага ўнівэрсытэту