Лінкі ўнівэрсальнага доступу

Міжнароднага каардынатара грамадзянскай ініцыятывы "Хартыя''97" Андрэя Саньнікава выклікалі ў пракуратуру Беларусі


Любоў Лунёва, Менск Зачэпкаю сталася публікацыя артыкулу "Тэрарыстычныя стасункі Беларусі" ў чэрвеньскім нумары амэрыканскай газэты "Washington Post".

Старшы памочнік пракурора Сяргей Новікаў прапанаваў Андрэю Саньнікаву даць тлумачэньні наконт высноваў, зробленых у газэтнай публікацыі.

Андрэй Саньнікаў і Марк Лэнзі ў аналітычным артыкуле "Тэрарыстычныя стасункі Беларусі" – ён выйшаў яшчэ 12 чэрвеня бягучага году – зьвінавацілі Аляксандра Лукашэнку за падтрымку сувязяў з тэрарыстычнымі дзяржавамі.

Андрэй Саньнікаў патлумачыў, што скарыстаўся матэрыяламі, раней надрукаванымі ў розных беларускіх і замежных выданьнях.

Паводле беларускага заканадаўства, толькі сам фігурант публікацыі можа зьвярнуцца ў суд на газэту й аўтара, каб абараніць менавіта свой гонар і годнасьць. Законам прадугледжана крымінальная адказнасьць за паклёп і абразу прэзыдэнта. Але каб абараніць свой гонар і годнасьць, ён мусіць падаваць грамадзянскі зыск. Нягледзячы на тое, што некалькіх чалавек пакаралі паводле гэтых крымінальных артыкулаў, судовага прэцэдэнту не было.
XS
SM
MD
LG