ЛЁНДАН. У Вялікабрытаніі сёньня павінны быць абнародаваныя вынікі расьсьледаваньня дзейнасьці брытанскіх службаў выведкі напярэдадні ваеннай апэрацыі ў Іраку. Прэм’ер-міністар Тоні Блэр, атрымаўшы вынікі расьсьледаваньня да іх публікацыі, заявіў, што ня верыць у тое, што прымаў рашэньне аб пачатку апэрацыі, кіруючыся недакладнымі дадзенымі. На мінулым тыдні расьсьледаваньне, праведзенае ў Сэнаце ЗША, прыйшло да высновы, што амэрыканскія службы выведкі перабольшылі пагрозу, зьвязаную з ірацкай зброяй масавага зьнішчэньня.