Сустрэча дэпутата Маларыцкага райсавету Ўладзімера Малея з выбарцамі вёскі Струга была ўспрынятая мясцовымі міліцыянтамі, а пазьней і судом, як несанкцыянаваны сход, за што дэпутат мусіць несьці адміністрацыйную адказнасьць. Насуперак нормам заканадаўства справа разглядалася ў адсутнасьці спадара Малея, які паведаміў, што ня зможа ў вызначаны час прысутнічаць у судзе.
Дарэчы, у часе правядзеньня сходу ў вёсцы Струга знаходзіліся і прадстаўнікі Маларыцкага райвыканкаму, якія нічога не казалі пра парушэньне закону. Таму Ўладзімер Малей лічыць, што вынесенае пакараньне мае іншую прычыну.
(Малей: ) “Што цікава, гэтая адміністрацыйная справа заведзеная праз паўтара месяца, пасьля таго, як усё адбылося. Я мяркую, што матывам завядзеньня адміністрацыйнай справы зьявілася тое, што Партыя БНФ падала ў суд на спадар Строка, начальніка аддзелу інфармацыі Маларыцкага раёну, за тое, што ён сказаў, што Партыя БНФ у гады Вялікай Айчыннай вайны была на баку фашыстоўскай Германіі. Вось як помста дэпутату і зьявілася гэтая адміністрацыйная справа. Канечне, я ня згодны з гэтым рашэньнем: тут парушаныя працэсуальныя правы”.
Сустрэча дэпутата з выбарцамі вёскі Струга тычылася будаўніцтва паблізу гэтага населенага пункту могільніку радыяактыўных адкідаў. Не зважаючы на пратэсты мясцовых жыхароў, гэтыя адкіды ўжо пачалі завозіць зь Берасьця, і да пачатку восені ўся справа мусіць быць заверашаная. Забруджаны радыяцыяй грунт зьявіўся ў Берасьці пасьля таго, як у савецкі час у горадзе перагружалі ўранавую руду, што везьлі з Усходняй Эўропы ў Расею.
Дарэчы, у часе правядзеньня сходу ў вёсцы Струга знаходзіліся і прадстаўнікі Маларыцкага райвыканкаму, якія нічога не казалі пра парушэньне закону. Таму Ўладзімер Малей лічыць, што вынесенае пакараньне мае іншую прычыну.
(Малей: ) “Што цікава, гэтая адміністрацыйная справа заведзеная праз паўтара месяца, пасьля таго, як усё адбылося. Я мяркую, што матывам завядзеньня адміністрацыйнай справы зьявілася тое, што Партыя БНФ падала ў суд на спадар Строка, начальніка аддзелу інфармацыі Маларыцкага раёну, за тое, што ён сказаў, што Партыя БНФ у гады Вялікай Айчыннай вайны была на баку фашыстоўскай Германіі. Вось як помста дэпутату і зьявілася гэтая адміністрацыйная справа. Канечне, я ня згодны з гэтым рашэньнем: тут парушаныя працэсуальныя правы”.
Сустрэча дэпутата з выбарцамі вёскі Струга тычылася будаўніцтва паблізу гэтага населенага пункту могільніку радыяактыўных адкідаў. Не зважаючы на пратэсты мясцовых жыхароў, гэтыя адкіды ўжо пачалі завозіць зь Берасьця, і да пачатку восені ўся справа мусіць быць заверашаная. Забруджаны радыяцыяй грунт зьявіўся ў Берасьці пасьля таго, як у савецкі час у горадзе перагружалі ўранавую руду, што везьлі з Усходняй Эўропы ў Расею.
