ТЭЛЬ-АВІЎ. Палестынская радыкальная групоўка “Брыгады мучанікаў Аль-Аксы” пагражае жорстка адпомсьціць Ізраілю за сьмерць аднаго са сваіх лідэраў. Найф Абу Шарх быў забіты падчас ізраільскай антытэрарыстычнай апэрацыі на Заходнім Беразе Ярдану. У горадзе Наблус тысячы палестынцаў выйшлі сёньня на дэманстрацыю пратэсту супраць дзеяньняў Ізраілю. Ізраіль уважае ліквідацыю лідэра групоўкі вялікім дасягненьнем у барацьбе з тэрарызмам.