СТРАЗБУР. Рада Эўропы рэзка скрытыкавала Расею і чачэнскіх сэпаратыстаў за грубыя парушэньні правоў чалавека на Паўночным Каўказе. У апублікаванай сёньня заяве гаворыцца, што члены Рады ўражаныя маштабамі гэтых парушэньняў. У заяве асуджаецца нядаўні напад маджахедаў у Інгушэтыі і адначасова выказваецца трывога з нагоды паведамленьняў, што пасьля гэтага нападу расейскія войскі пачалі спэц-апэрацыі ў Інгушэтыі і Чачэніі.