ЛЁНДАН. Прадстаўнік міністэрства абароны Ірану заявіў, што брытанскія маракі, затрыманыя ўчора, будуць адпушчаныя, калі сьледства пакажа, што яны апынуліся ў тэрытарыяльных водах Ірану “без дрэнных намераў”. Іран, захапіўшы тры патрульныя катэры Вялікабрытаніі, сьцьвярджае, што яны ўвайшлі ў ягоныя тэрытарыяльныя воды ў пратоцы, што падзяляе Іран і Ірак. Раней брытанскае міністэрства замежных справаў выклікала для тлумачэньняў амбасадара Ірану ў Вялікабрытаніі. Лёндан заяўляе, што маракі прымалі ўдзел у падрыхтоўцы памежнай службы Іраку, а на катэрах не было ўзбраеньняў.