Адвакат Вера Страмкоўская, якая сустрэлася зь Міхаілам Марынічам у ізалятары КГБ, кажа, што ўжо больш за месяц зь ім не вялі ніякіх сьледчых дзеяньняў. Паводле адваката, гэта можа азначаць, што сьледзтва прыйшло да высновы аб яго невінаватасьці альбо што ёсьць загад на ўтрыманьне Марыніча любой цаной. “Мы ўсё ж спадзяемся на рашэньне ў адпаведнасьці з законам, што Міхаіл Марыніч днямі выйдзе на волю”, — сказала Радыё Свабода адвакат Вера Страмкоўская.
Міхаіла Марыніча абвінавацілі ў незаконных дзеяньнях са зброяй і з 26 красавіка трымаюць у сьледчым ізалятары КГБ.
Міхаіла Марыніча абвінавацілі ў незаконных дзеяньнях са зброяй і з 26 красавіка трымаюць у сьледчым ізалятары КГБ.
