ЕРАВАН. Учора ў сталіцы Армэніі адбыліся антыўрадавыя акцыі пратэсту, удзел у якіх бралі некалькі тысячаў чалавек. Удзельнікі акцыяў выступілі супраць зьнешняй і унутранай эканамічнай палітыкі прэзыдэнта Робэрта Качарана й ягонага ўраду. Лідар апазыцыі Сцяпан Дземірчан заявіў, што ўлады імітуюць дэмакратычныя рэформы. Гэтая заява прагучала цягам візыту ў Армэнію прадстаўнікоў Парляманцкай асамблеі Рады Эўропы. Дэманстрацыя пратэсту была дазволеная ўрадам.