Справа, зьвязаная зь незаконным затрыманьнем удзельнікаў акцыі, прысьвечанай памяці генэрала Захаранкі, якая прайшла 7 траўня ў Наваполацку, займела свой працяг. Афіцыйнымі позвамі яе ўдзельнікі былі выкліканыя ў міліцыю.
Нагадаем, што Наваполацкім гарадзкім судом згаданая справа была зачыненая з-за адсутнасьці складу правапарушэньня. Адначасова апраўданыя судом удзельнікі акцыі зьвярнуліся да начальніка Наваполацкага гарадзкога аддзелу нутраных справаў зь пісьмовай просьбай: паведаміць, хто непасрэдна даваў загад на затрыманьне. Адказу на такі зварот пакуль што няма, а тым часам выкліканым у міліцыю грамадзянам прапанавалі напісаць дадатковыя тлумачэньні, зьвязаныя з абставінамі затрыманьня.
Пісьмовы адказ, аднак, напісаў толькі адзін з затрыманых, іншыя ж заявілі, што гэта яны, удзельнікі акцыі, чакаюць адпаведных тлумачэньняў. Адначасова яны паведамілі, што непасрэдна да работнікаў міліцыі, якія ажыцьцяўлялі затрыманьне, ніякіх прэтэнзіяў ня маюць.
Нагадаем, што Наваполацкім гарадзкім судом згаданая справа была зачыненая з-за адсутнасьці складу правапарушэньня. Адначасова апраўданыя судом удзельнікі акцыі зьвярнуліся да начальніка Наваполацкага гарадзкога аддзелу нутраных справаў зь пісьмовай просьбай: паведаміць, хто непасрэдна даваў загад на затрыманьне. Адказу на такі зварот пакуль што няма, а тым часам выкліканым у міліцыю грамадзянам прапанавалі напісаць дадатковыя тлумачэньні, зьвязаныя з абставінамі затрыманьня.
Пісьмовы адказ, аднак, напісаў толькі адзін з затрыманых, іншыя ж заявілі, што гэта яны, удзельнікі акцыі, чакаюць адпаведных тлумачэньняў. Адначасова яны паведамілі, што непасрэдна да работнікаў міліцыі, якія ажыцьцяўлялі затрыманьне, ніякіх прэтэнзіяў ня маюць.