Паводле Андрэя Саньнікава, гэтыя выбары нічога ў краіне ня зьменяць, бо будуць цалкам сфальсыфікаваныя. У сваю чаргу Алесь Міхалевіч адзначыў, што ў апазыцыі ёсьць шанец на стварэньне фракцыі ў палаце прадстаўнікоў.
Канфэрэнцыю арганізаваў варшаўскі Цэнтар міжнародных дачыненьняў, дзе працуе Януш Анышкевіч – доктар матэматычных навук, шматгадовы актывіст антыкамуністычнага падпольля, які цягам 8 гадоў быў прэсавым сакратаром “Салідарнасьці”, а пазьней – міністрам абароны. Вось як ён адказаў на пытаньне “Варта браць удзел у парляманцкіх выбарах нават ва ўмовах абмежаванай свабоды ці не?”.
(Анышкевіч: ) “Мне цяжка даваць парады беларускай апазыцыі, але на маю думку браць удзел у выбарах варта. Калі гэтыя выбары будуць цалкам сфальсыфікаваныя, удзел у іх дапаможа гэта паказаць, што таксама будзе мець палітычны эфэкт. У іншым выпадку можа быць хаця б мінімальны шанец на тое, каб прынамсі невялікая колькасьць апазыцыянэраў у парлямэнт прайшла. І гэта будзе мець пэўны псыхалягічны ўплыў на тых дэпутатаў, якіх падтрымлівалі ўлады. Тады, магчыма, у наступным парлямэнце зьявіцца група дэпутатаў, якія, як прадстаўнікі групы “Рэспубліка”, будуць весьці незалежную палітыку ды пашыраць межы для свабоднага волевыяўленьня ў Беларусі, што вельмі важна”.
Спадар Анышкевіч выказаў таксама сваё стаўленьне да галадоўкі дэпутатаў і палітыкаў у Менску.
(Анышкевіч: ) “Я думаю, што такія акцыі маюць пэўны сэнс. Мы ў “Салідарнасьці” хаця і ня часта, але таксама выкарыстоўвалі галадоўкі. Галадоўка – гэта драматычная форма пратэсту, і яна мае эфэкт тады, калі казаць пра пашырэньне рацыяў, з-за якіх ідзе галадоўка, нават калі яна спыняецца і не прыносіць такіх вынікаў, як хацелі галадоўнікі на пачатку. Галадоўка – гэта негвалтоўны пратэст, які дапамагае перамагчы рэжым. Прынамсі нам за часоў салідарнасьці галадоўкі дапамаглі”, сказаў Януш Анышкевіч.
Канфэрэнцыю арганізаваў варшаўскі Цэнтар міжнародных дачыненьняў, дзе працуе Януш Анышкевіч – доктар матэматычных навук, шматгадовы актывіст антыкамуністычнага падпольля, які цягам 8 гадоў быў прэсавым сакратаром “Салідарнасьці”, а пазьней – міністрам абароны. Вось як ён адказаў на пытаньне “Варта браць удзел у парляманцкіх выбарах нават ва ўмовах абмежаванай свабоды ці не?”.
(Анышкевіч: ) “Мне цяжка даваць парады беларускай апазыцыі, але на маю думку браць удзел у выбарах варта. Калі гэтыя выбары будуць цалкам сфальсыфікаваныя, удзел у іх дапаможа гэта паказаць, што таксама будзе мець палітычны эфэкт. У іншым выпадку можа быць хаця б мінімальны шанец на тое, каб прынамсі невялікая колькасьць апазыцыянэраў у парлямэнт прайшла. І гэта будзе мець пэўны псыхалягічны ўплыў на тых дэпутатаў, якіх падтрымлівалі ўлады. Тады, магчыма, у наступным парлямэнце зьявіцца група дэпутатаў, якія, як прадстаўнікі групы “Рэспубліка”, будуць весьці незалежную палітыку ды пашыраць межы для свабоднага волевыяўленьня ў Беларусі, што вельмі важна”.
Спадар Анышкевіч выказаў таксама сваё стаўленьне да галадоўкі дэпутатаў і палітыкаў у Менску.
(Анышкевіч: ) “Я думаю, што такія акцыі маюць пэўны сэнс. Мы ў “Салідарнасьці” хаця і ня часта, але таксама выкарыстоўвалі галадоўкі. Галадоўка – гэта драматычная форма пратэсту, і яна мае эфэкт тады, калі казаць пра пашырэньне рацыяў, з-за якіх ідзе галадоўка, нават калі яна спыняецца і не прыносіць такіх вынікаў, як хацелі галадоўнікі на пачатку. Галадоўка – гэта негвалтоўны пратэст, які дапамагае перамагчы рэжым. Прынамсі нам за часоў салідарнасьці галадоўкі дапамаглі”, сказаў Януш Анышкевіч.