ПРАГА. Сёньня распачынаюцца выбары ў Эўрапарлямэнт у Чэхіі і Ірляндыі . Учора галасаваньне пачалося ў Вялікабрытаніі і Нідэрляндах. Эўрапейскі парлямэнт у складзе 732 дэпутатаў месьціцца ў Страсбуры. Да 13 чэрвеня выбаршчыкі ў 25 дзяржавах, уключна з дзесяцьцю новымі сябрамі Эўразьвязу будуць выбіраць дэпутатаў Эўрапарлямэнту. Мяркуецца, што ў галасаваньні возьмуць удзел каля 350 мільёнаў чалавек. Выбары ў Эўрапарлямэнт праводзяцца кожныя пяць гадоў.