Я сустрэў дэпутатаў Валерыя Фралова і Сяргея Скрабца каля пад’езду дому па Казарменным завулку, калі яны разам з галадоўнікамі-актывістамі АГП вярталіся з ранішняга шпацыру. Дэпутаты сказалі, што ўвогуле адчуваюць сябе някепска. Галадоўнікі паведамілі, што 6 чэрвеня быў апошнім днём, калі яны выйшлі на шпацыр. Цяпер Сяргей Скрабец, Валеры Фралоў і актывісты АГП будуць увесь час знаходзіцца ў кватэры і толькі зрэдку выходзіць у двор да журналістаў і актывістаў апазыцыі. Сяргей Скрабец так патлумачыў прычыну гэтага рашэньня:
(Скрабец: ) “Зыходзячы з тых тэлефанаваньняў, што даходзяць да нас: “Галадуеце вы ці не, ці ходзіце на мерапрыемствы” — мы прынялі рашэньне зь сёньняшняга дня нікуды не хадзіць. Трэба і сілы ашчаджаць, бо галадоўка бестэрміновая, калі яна скончыцца — ніхто ня ведае. Таму будзем тут знаходзіцца, і думаю, што многія шматсэнсоўныя тлумачэньні нашай галадоўкі пасьля гэтага самі адпадуць”.
Адзіным галадоўнікам, які ня будзе ўвесь час знаходзіцца разам са сваімі калегамі, ёсьць дэпутат Уладзімер Парфяновіч. Але 6 чэрвеня раніцай ён прыехаў на кватэру Валерыя Фралова. Спадар Парфяновіч так патлумачыў, чаму ён галадае дома:
(Парфяновіч: ) “Справа ў тым, калі вы разумееце, ёсьць такія інтымныя рэчы, якія сорамна рабіць разам, калі ты трымаеш галадоўку. Гэта маленькі жарт, але ён праўдзівы. Таму я думаю, што начаваць я буду дома, але я ўсё роўна буду разам са сваімі сябрамі. І тыя, хто думае сёньня, што нехта пайшоў недзе пагуляць, ён там пад падушкай будзе есьці кілбасу. Гэтак хай думаюць тыя, якіх у арміі “дубасілі” за гэта з усёй сур’ёзнасьцю. Бо ёсьць яшчэ нейкія прынцыпы, ёсьць сумленьне, якое не дазваляе гэтага рабіць”.
Галадоўнікі вельмі ўдзячныя лідэрам і актывістам дэмакратычных партыяў і грамадзкіх арганізацыяў, якія падтрымліваюць іх у часе галадоўкі. Валеры Фралоў гаворыць, што ім тэлефануе вельмі шмат людзей зь Беларусі і з-за мяжы:
(Фралоў: ) “З-за мяжы былі званкі з Варшавы, былі званкі зь Літвы. Мы ведаем шмат людзей. За ўчорашні й сёньняшні дзень патэлефанавалі людзі з трыццаці ці сарака гарадоў. І ня толькі сябры партыяў. Простыя людзі тэлефануюць”.
Дэпутат Фралоў таксама выказаў добрыя словы на адрас міліцыянтаў, якія ўвесь час знаходзяцца каля яго дому, але не перашкаджаюць праводзіць галадоўку і не чапаюць транспаранту з надпісам: “Не — трэцяму тэрміну! За свабодныя выбары! Свабоду Марынічу!”
(Скрабец: ) “Зыходзячы з тых тэлефанаваньняў, што даходзяць да нас: “Галадуеце вы ці не, ці ходзіце на мерапрыемствы” — мы прынялі рашэньне зь сёньняшняга дня нікуды не хадзіць. Трэба і сілы ашчаджаць, бо галадоўка бестэрміновая, калі яна скончыцца — ніхто ня ведае. Таму будзем тут знаходзіцца, і думаю, што многія шматсэнсоўныя тлумачэньні нашай галадоўкі пасьля гэтага самі адпадуць”.
Адзіным галадоўнікам, які ня будзе ўвесь час знаходзіцца разам са сваімі калегамі, ёсьць дэпутат Уладзімер Парфяновіч. Але 6 чэрвеня раніцай ён прыехаў на кватэру Валерыя Фралова. Спадар Парфяновіч так патлумачыў, чаму ён галадае дома:
(Парфяновіч: ) “Справа ў тым, калі вы разумееце, ёсьць такія інтымныя рэчы, якія сорамна рабіць разам, калі ты трымаеш галадоўку. Гэта маленькі жарт, але ён праўдзівы. Таму я думаю, што начаваць я буду дома, але я ўсё роўна буду разам са сваімі сябрамі. І тыя, хто думае сёньня, што нехта пайшоў недзе пагуляць, ён там пад падушкай будзе есьці кілбасу. Гэтак хай думаюць тыя, якіх у арміі “дубасілі” за гэта з усёй сур’ёзнасьцю. Бо ёсьць яшчэ нейкія прынцыпы, ёсьць сумленьне, якое не дазваляе гэтага рабіць”.
Галадоўнікі вельмі ўдзячныя лідэрам і актывістам дэмакратычных партыяў і грамадзкіх арганізацыяў, якія падтрымліваюць іх у часе галадоўкі. Валеры Фралоў гаворыць, што ім тэлефануе вельмі шмат людзей зь Беларусі і з-за мяжы:
(Фралоў: ) “З-за мяжы былі званкі з Варшавы, былі званкі зь Літвы. Мы ведаем шмат людзей. За ўчорашні й сёньняшні дзень патэлефанавалі людзі з трыццаці ці сарака гарадоў. І ня толькі сябры партыяў. Простыя людзі тэлефануюць”.
Дэпутат Фралоў таксама выказаў добрыя словы на адрас міліцыянтаў, якія ўвесь час знаходзяцца каля яго дому, але не перашкаджаюць праводзіць галадоўку і не чапаюць транспаранту з надпісам: “Не — трэцяму тэрміну! За свабодныя выбары! Свабоду Марынічу!”
