БАГДАД. Амэрыканскае камандаваньне ў Іраку аб’явіла пра ваенную паразу прыхільнікаў шыіцкага лідэра Мактады Ас-Садра. Як паведаміў генэрал Марк Хертлінг, паўстанцы страцілі большую частку байцоў, амэрыканскія войскі перамаглі іх у гарадах Куфа, Дзіванія, Кербэла, дзе баі працягваліся амаль два месяцы. Генэрал Хертлінг высока ацаніў палітычную ролю прызначанага нядаўна губэрнатара гораду Нэджэф Аднана Аз-Зорфі.