Лінкі ўнівэрсальнага доступу

Буш спадзяецца, што рэзалюцыя па Іраку будзе ўхваленая


ВАШЫНГТОН. Прэзыдэнт ЗША Джордж Буш заявіў сёньня, што ён упэўнены, што міжнародная супольнасьць падтрымае намаганьні ЗША пераўтварыць Ірак ва ўстойлівую, дэмакратычную краіну. Гэтую заяву амэрыканскі лідэр зрабіў у Пэнсільваніі праз некалькі гадзінаў пасьля таго, як ЗША й Вялікабрытанія падалі ў Раду Бясьпекі ААН праект новай рэзалюцыі ў пытаньні Іраку. Яна прадугледжвае перадачу ўлады пераходнаму ірацкаму ўраду і ўпаўнаважвае шматнацыянальныя сілы гарантаваць бясьпеку ў Іраку. Буш сказаў, што Дзяржсакратар ЗША Колін Паўэл вядзе перамовы з сябрамі Рады Бясьпекі з тым, каб тыя ўхвалілі рэзалюцыю. Адмысловы пасланьнік ААН у Іраку Лахдар Брахамі на гэтым тыдні назаве імёны чальцоў пераходнага ўраду - прэзыдэнта, двух віцэ-прэзыдэнтаў , прэм’ер-міністра і 26 міністраў.
XS
SM
MD
LG