Прыкладна 10 адсоткаў выпускнікоў вну праз паўгоду пасьля завяршэньня навучаньня не пацьвердзілі прыбыцьцё на месца працы ў адпаведнасьці з разьмеркаваньнем. Па асобных вну, падпарадкаваных Міністэрству адукацыі, колькасьць такіх спэцыялістаў склала больш за 20 адсоткаў, Міністэрству культуры – да 14 адсоткаў ад агульнай колькасьці разьмеркаваных выпускнікоў.
Напрыклад, з 422 разьмеркаваных сёлета выпускнікоў Менскага дзяржаўнага лінгвістычнага ўнівэрсітэту 126 не далі пацьверджаньня ўладкаваньня на працу. Толькі адзін з такіх былых студэнтаў цалкам кампэнсаваў дзяржаве 20,6 мільёнаў беларускіх рублёў, затрачаных на ягоную адукацыю. Ён вучыўся ў Акадэміі кіраваньня пры прэзыдэнце, паведамляе БелТА.
Выяўлены таксама шэраг парушэньняў заканадаўства з боку наймальнікаў у працэсе ўладкаваньня маладых спэцыялістаў. Шмат якім выпускнікам не давалі працу па спэцыяльнасьці, асобныя зь іх афармляліся на рабочыя пасады. Напрыклад, выпускнікі Беларускага навукова-тэхнічнага ўнівэрсітэту, дыплямаваныя інжынэры, рабіліся электрамантажнікамі й сьлесарамі-рамонтнікамі.
Напрыклад, з 422 разьмеркаваных сёлета выпускнікоў Менскага дзяржаўнага лінгвістычнага ўнівэрсітэту 126 не далі пацьверджаньня ўладкаваньня на працу. Толькі адзін з такіх былых студэнтаў цалкам кампэнсаваў дзяржаве 20,6 мільёнаў беларускіх рублёў, затрачаных на ягоную адукацыю. Ён вучыўся ў Акадэміі кіраваньня пры прэзыдэнце, паведамляе БелТА.
Выяўлены таксама шэраг парушэньняў заканадаўства з боку наймальнікаў у працэсе ўладкаваньня маладых спэцыялістаў. Шмат якім выпускнікам не давалі працу па спэцыяльнасьці, асобныя зь іх афармляліся на рабочыя пасады. Напрыклад, выпускнікі Беларускага навукова-тэхнічнага ўнівэрсітэту, дыплямаваныя інжынэры, рабіліся электрамантажнікамі й сьлесарамі-рамонтнікамі.