Gazeta Wyborcza піша, што Эўрапейскі зьвяз упершыню пайшоў на сур’ёзныя эканамічныя санкцыі супраць Беларусі, раней, як адзначае штодзёньнік, “кары датычылі перадусім рэжыму Лукашэнкі – напрыклад ягоным галоўным прадстаўнікам забаранялі ўезд на тэрыторыю аб’яднанай Эўропы”.
Штодзёньнік падкрэсьлівае, што супраціў некаторых краінаў, а таксама нязгода на санкцыі, сярод іншых, Аляксандра Мілінкевіча, мелі вынік, бо Эўразьвяз даў Беларусі 6 месяцаў на тое, каб пазьбегчы пазбаўленьня гандлёвых прэфэрэнцыяў.
Тыднёвік беларусаў Польшчы “Ніва” піша пра першыя крокі на пасадзе войта Арлянскай гміны, беларуса Пётра Сэльвясюка, які ў сваёй працы вырашыў паставіць сярод іншага на захаваньне беларускай культуры.
“Трэба ісьці ў напрамку разьвіцьця навучаньня беларускай мовы...З боку гміннай управы будзе дапамога для ўсіх дзетак, якія хочуць пазнаёміцца з беларускай мовай і культурай”, - кажа “Ніве” спадар Сэльвясюк.
Некаторыя мэдыі ўзгадваюць пра незвычайны выпадак на беларуска-польскай мяжы ў Тэрэспалі, дзе польскія памежнікі знайшлі ў аўтамабілі беларускага турыста ката, які, паводле іхных словаў, “меў намер перайсьці мяжу нелегальна”, бо “ня меў ніякіх дакумэнтаў”, а ўладальнік аўтамабілю заявіў, што гэта не ягоны кот.
Аднак “сытуацыя была вырашаная на карысьць ката – мытнікі падаравалі яму свабоду і дазволілі застацца ў краіне”.
Штодзёньнік падкрэсьлівае, што супраціў некаторых краінаў, а таксама нязгода на санкцыі, сярод іншых, Аляксандра Мілінкевіча, мелі вынік, бо Эўразьвяз даў Беларусі 6 месяцаў на тое, каб пазьбегчы пазбаўленьня гандлёвых прэфэрэнцыяў.
Тыднёвік беларусаў Польшчы “Ніва” піша пра першыя крокі на пасадзе войта Арлянскай гміны, беларуса Пётра Сэльвясюка, які ў сваёй працы вырашыў паставіць сярод іншага на захаваньне беларускай культуры.
“Трэба ісьці ў напрамку разьвіцьця навучаньня беларускай мовы...З боку гміннай управы будзе дапамога для ўсіх дзетак, якія хочуць пазнаёміцца з беларускай мовай і культурай”, - кажа “Ніве” спадар Сэльвясюк.
Некаторыя мэдыі ўзгадваюць пра незвычайны выпадак на беларуска-польскай мяжы ў Тэрэспалі, дзе польскія памежнікі знайшлі ў аўтамабілі беларускага турыста ката, які, паводле іхных словаў, “меў намер перайсьці мяжу нелегальна”, бо “ня меў ніякіх дакумэнтаў”, а ўладальнік аўтамабілю заявіў, што гэта не ягоны кот.
Аднак “сытуацыя была вырашаная на карысьць ката – мытнікі падаравалі яму свабоду і дазволілі застацца ў краіне”.
