Веру ў тое, што людзі перамогуць страх і абароняць сваю краіну ад дыктатара.
Веру, што мая першая настаўніца не адрачэцца, як зараз, ад мяне, называючы бэнээфаўкай.
Веру ў тое, што дзеці ў школе будуць вучыцца па-беларуску і не спытаюць ў настаўніцы, хто такі Васіль Быкаў.
Цалкам перадача выйдзе ў эфір 20-га сьнежня.
Іна Кебікава скончыла філялягічны факультэт пэдагагічнага ўнівэрсытэту. Падчас вучобы вяла моладзевы дыскусійны клюб, арганізоўвала сустрэчы пісьменьнікаў са студэнтамі, брала ўдзел у навучальных трэнінгах і сэмінарах. Цяпер прымае актыўны ўдзел у выбарах у мясцовыя Саветы, за што была звольненая са школы, дзе Іна выкладала ангельскую мову. Любіць падарожнічаць па гістарычных мясьцінах Беларусі. Жыве ў старажытным мястэчку Янавічы на Клеччыне.
Ці верыце Вы ў нешта? Што дапамагае Вам жыць? Як і чаму Вы прыйшлі да сваіх перакананьняў? Вашы каштоўнасьці і прынцыпы могуць натхніць іншых, сёньня і ў будучыні, у Беларусі і за мяжой. Раскажыце, ў што верыце Вы!
Пішыце на адрас у Беларусі: П/С 111 Менск 220005, у Чэхіі: П/С 44 Vinohradska 1, Praha 110 00
E-Mail: svaboda@rferl.org
Тэлефон-аўтаадказьнік у Менску: 266 39 52