Лінкі ўнівэрсальнага доступу

Актывісты пікетавалі прадстаўніцтва ААН (фота)


Алесь Дашчынскі, Менск Пяцёра моладзевых актывістаў наладзілі акцыю пратэсту каля прадстаўніцтва ААН у Беларусі. Яны сталі каля ўваходу ў будынак з партрэтамі зьняволенага Аляксандра Казуліна.

Акцыя працягвалася некалькі хвілін. Пасьля гэтага ўдзельнікі акцыі, а сярод іх былі і непаўналетнія, прымацавалі партрэты спадара Казуліна да стэнду зь інфармацыяй пра ААН. Аднак празь некалькі хвілінаў двое ў штацкім выйшлі з-за агароджы будынку і сарвалі ўсе прымацаваныя партрэты Аляксандра Казуліна.

Сюды ж пад’ехалі міліцыянты, якія перапісалі дадзеныя ўсіх удзельнікаў акцыі. Міліцыянты таксама перапісалі дадзеныя ўсіх прысутных журналістаў. Міліцыянты забаранілі журналістам здымаць тое, што адбывалася.





Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG